Жарылғыш қаупі барға ұқсас заттарды тауып алған жағдайда халыққа жадынама

Табылған заттың жарылғыш қаупі болуы мүмкіндігімен байланысты белгілер:

• белгісіз түйіншектің немесе қандай да бір заттың машинада, сатыда, пәтерде және т.б. болуы;
• машинадан шығып тұрған тартылған сымның, баудың, өткізгіштердің, қуат көздері немесе оқшаулау лентасының болуы;
• бөтен сөмке, портфель, қорап, қандай да бір зат; табылған заттың машинада, пәтер есігінің алдында, кіреберісте өзгеше жатуы;
• табылған күдікті заттан шығып жатқан дыбыс (сағат механизміне ұқсас шулар, төмен жиіліктегі шулар).

Біліп жүріңіз: заттың сыртқы түрі оның шын мәніндегі мақсатын көрсетпеуі мүмкін. Жарылғыш заттарға арналған камуфляж ретінде кәдімгі тұрмыстық заттар қолданылады: сөмкелер, пакеттер, түйіншектер, қораптар, ойыншықтар және т.б.

 Егер күдікті зат табылса, бұл фактіні назардан тыс қалдырмау керек:

• қоғамдық көлікте:
• жанында тұрған адамдардан сұрастырыңыз;
• заттың (сөмкенің және т.б.) тиесілігін не оны кім тастап кетуі мүмкіндігін анықтауға тырысыңыз;
• егер иесі табылмаса, онда жүргізушіге (машинистке және т.б.) табылған зат туралы дереу хабарлаңыз.
• өз үйіңіздің кіреберісінде:
• көршілеріңізден сұраңыз, мүмкін, ол солардікі болар. Егер иесі анықталмаса – шұғыл түрде табылған зат туралы ІІМ, ҰҚК органдарына хабарлаңыз.
• көшеде, саясабқта және т.б.:
• жан-жағыңызға қараңыз, егер де мүмкіншілік болса иесін анықтауға тырысыңыз, егер ол анықталмаса – полиция қызметкеріне немесе ІІМ, ҰҚК органдарына тікелей дереу хабарлаңыз;
• затты құқық қорғау органдары келгенше бөтендерден қоршаулаңыз. Олар келген кезде затты тапқан мерзім туралы ақпарат беріңіз.
• мекемелерде, ұйымдарда:
• табылған зат туралы объекті әкімшілігінің басшысына дереу хабарлаңыз.

Қатаң тыйым салынады:

• табылған затқа қол тигізуге не жылжытуға;
• табылған бейтаныс заттарды қолдануға;
• табылған затты орнынан қозғауға, бір жерден бір жерге аунатуға, қолға алуға;
• көтеруге, орнын ауыстыруға, қалтаға, портфельге, сөмкеге және т.б. салуға;
• оны жерге көмуге не су қоймасына лақтыруға;
• заттан шығып тұрған сымдарды ия өткізгіштерді үзуге немесе созуға, оны залалсыздандыруға әрекет етуге;
• оған жақын жерде мүмкіндігінше радио- және электроаппараттарын, ұялы телефондарды пайдаланбаңыз;
• табылған немесе күдікті заттармен өздігінше қандай да бір іс-әрекет жасамаңыз, олар жарылғыш құрылғысы болуы мүмкін – бұл жарылысқа, көптеген құрбандарға, бұзылуларға әкеліп соғады.