ДЕНИСОВА ГАЛИНА ВЛАДИМИРОВНА

Денисова Галина Владимировна өзінің еңбек жолын пионер вожатый мектебінің жұмысынан, одан әрі комсомол ұйымының хатшысы, өндірістік оқыту шебері, училище директоры болып бастады.

1999 жылдың желтоқсан айынан бастап Зырян ауданының мәслихатының депутаты, хатшысы болып төрт рет сайланды.

Депутаттық корпусты басқара отырып, Г.В. Денисова депутаттарға өз өкілеттіктерін жүзеге асыруға жәрдем көрсетті, оларды қажетті ақпаратпен қамтамасыз етуді ұйымдастырды, тұрақты комиссиялардың,   «Нұр Отан » партиясы мүшелері мәслихатының депутаттық тобының қызметін үйлестірді. Аудан мәслихатының депутаттары мен Қазақстан Республикасы Парламенті Сенатының, Мәжілісінің, Шығыс Қазақстан облыстық мәслихатының депутаттарының, «Қазақстан мәслихаттары депутаттарының бірлестігі» қоғамдық бірлестігі, атқарушы билік органдары арасындағы байланысты жүзеге асырды.

Г. В. Денисова тиянақтылығымен, өзін-өзі жетілдіруге деген ұмтылысымен, адалдығымен, орындаушылығымен, өз ісіне адалдығымен, әдептілігімен ерекшеленеді.

Галина Владимировна меншік түріне қарамастан халықпен, еңбек ұжымдарымен, кәсіпорындармен, мекемелермен және ұйымдармен тығыз байланыста болды. Қазақстан Республикасы Президентінің саясатын және жүргізіліп жатқан реформаларды белсенді қолдайды.

Іскерлік және жеке қасиеттерінің арқасында Галина Владимировна кәсіпорындар мен мекемелер басшыларының, аудан жұртшылығының құрметіне және беделіне ие.

Денисова Галина Владимировна «Құрмет» орденімен, «Қазақстан Республикасының тәуелсіздігіне 10 жыл», «Қазақстан Конституциясына 10 жыл», «Қазақстан Республикасының Парламентіне 10 жыл» мерейтойлық медальдарымен, грамоталармен және алғыс хаттармен марапатталған.

Зырян ауданының мәслихатының 29.11.2016 жылғы № 10/4-6 шешіміне сәйкес» Галина Владимировна Денисоваға «Зырян ауданының құрметті азаматы» атағы берілді.