Алтай ауданында оқушылардың интеллектуалдық және шығармашылық қабілеттерін дамытуға көп көңіл бөлінеді. Дарынды балаларды анықтау және дамыту үшін жағдай жасау бойынша жұмыстар тұрақты түрде жүргізілуде.Жыл сайын Алтай ауданының мектеп оқушылары түрлі деңгейдегі 200-ден астам іс-шараға қатысады.2020-2021 оқу жылында зияткерлік олимпиадаларға, байқауларға және ғылыми жарыстарға 176 оқушы қатысып, оның 87-сі жүлделі орындарға ие болды.Алтай ауданының олимпиадалық командасы екі жыл қатарынан «Үздік олимпиадалық команда - 2020» және «Үздік олимпиадалық команда - 2021» номинацияларымен марапатталды.«Мәңгілік ел – болашаққа ұмтылған ел» аймақтық белсенділер мен көшбасшылар байқауында төрт дүркін жеңімпаз атанды.Өткен жылмен салыстырғанда жеңімпаздар саны артып, 22%-ды құрады. Алтай ауданы оқушыларының облыстық және республикалық деңгейдегі зияткерлік сайыстарда соңғы үш жылда алған жүлделерінің жалпы саны 3768-ді құрады.