Алматы облысында ірі қара мал миллионға жетсе, ұсақ мал саны 4 миллионнан асты

Қазіргі уақытта Алматы облысында сыйымдылығы 70,1 мың бас болатын 106 бордақылау алаңы бар. Жыл басынан бері Көксу және Сарқан аудандарында 550 басқа арналған 3 мал бордақылау алаңы іске қосылды. Сонымен қатар, жыл соңына дейін 5720 бас сыйымдылығы бар тағы 11 мал бордақылау алаңын пайдалануға беру жоспарлануда. Жалпы, облыста ірі қара мал саны 1 257,9 мың басқа, ұсақ мал 4 430,5 мың басқа жетті, – деп хабарлайды Алматы облысы әкімінің баспасөз қызметі.

Облыстық ауыл шаруашылығы басқармасының мәліметтері бойынша, 2019 жылғы қаңтар-қыркүйек айларымен салыстырғанда облыста ірі қара мал саны 5% -ға өсіп, барлығы 1 257,9 мың басты құрады. Оның ішінде сиыр 577,8 мың басқа жетті, 4,6 %-ға өсіп. Қой мен ешкі саны 4 430,5 мың басқа көбейді, 2,1%-ға өсіп. Жылқы 7,8%- -ға өсіп, 385,3 мың басқа жетті. Сонымен бірге өндірілген ет көлемі 4,1% өсумен 213,1 мың тоннаны құраса, сүт 3,1% өсіммен 547,5 мың тоннаға жетті.

Айта кету керек, асыл тұқымды ірі қара малдың үлесі 197,8 мың бас немесе 18,7%, қой 812,8 мың бас немесе 23,2%, жылқы 51 063 мың бас немесе 15,6%, түйе 3896 мың бас немесе 52,4%, құс 1322,2 мың немесе 12,8%.

Сонымен қатар, облыста тұқымды трансформациялау ірі қара малдың асыл тұқымды қорының  30,2%-ын қамтиды. Жануарлардың асыл тұқымды қасиеттерін жақсарту және олардың өнімділігін арттыру мақсатында биыл 1888 бас асыл тұқымды ірі қара мал шетелден сатып алынды. «Сыбаға» бағдарламасы аясында «Ауылшаруашылығын қаржылай қолдау қоры» АҚ және «Аграрлық несие корпорациясы» АҚ арқылы 11 775 бас ірі қара және 17 850 бас қой сатып алынды.

Барлығы 2 937,1 тонна ет экспортталды. Оның ішінде сиыр еті – 614 тонна, қой еті –  2,8 тонна, құс еті –  2320,3 тонна.

Алматы облысы әкімінің баспасөз қызметі