Жолдар, көлік және аймақтық инфрақұрылымның дамуы

Облыста көлік-логистика саласына көп көңіл бөлінеді. 2023 жылдың маусымында ұзындығы 66 шақырым болатын Үлкен Алматы айналма жолы (БАКАД) ашылды. Жоба Алматы агломерациясын дамыту аясында жүзеге асырылды және кептелістерді азайтуға бағытталған. Кеген және Райымбек өңірлерін газдандыру үшін «Шелек-Кеген-Нарынқол» магистральдық газ құбырын салуға жобалық-сметалық құжаттама әзірленуде. Газ құбырының ұзындығы 227 шақырымды құрайды. Құны техникалық-экономикалық негіздемеге сәйкес 24 млрд. Нәтижесінде 47,4 мың тұрғыны бар 23 елді мекен газбен қамтылады. Облыста тұрғын үй құрылысы жоғары қарқынмен жүріп жатыр. Осылайша, Еңбекшіқазақ ауданында «Нұрлы жер» бағдарламасы бойынша салынған 120 пәтерлі ғимарат пайдалануға беріліп, кезекте тұрғандарға берілді. Бағдарлама аясында Алматы облысы Ұйғыр ауданы Шонжы ауылындағы 60 пәтерлік тұрғын үйдің құрылысы толығымен аяқталды. Кезекте тұрған халықтың әлеуметтік осал топтарына ордер берілді. 10 айда облыста барлығы 808 мың шаршы метр тұрғын үй пайдалануға берілді. Бұл көрсеткіш креспублика бойынша 4-ші орында екенін аңғартады.