Жаңа бизнес-идеяларды іске асыруға арналған гранттар

Жаңа бизнес-идеяларды іске асыруға 259-дан астам адам грант алды

Ағымдағы жылдың басынан бастап облыс бойынша кәсіпкерлікті дамыту жөніндегі 2021-2025 жылдарға арналған ұлттық жоба шеңберінде 303,6 млн. теңгеден астам сомаға жаңа бизнес идеяларды іске асыруға 259 грант берілді.

Грант алушылардың бірі - Жалғасбек Тұрысбекұлы Сырлыбаев, Іле ауданы Покровка ауылының тұрғыны.

Ағымдағы жылы халықтың әлеуметтік осал тобына жататын азамат Ж.Т. Сырлыбаев (мүгедектігі бар адам) өз ісін, атап айтқанда гипс бұйымдарын өндіру идеясын алға тарты,  бұл идеяға тұрғындардың сұранысы түрткі болды.

Сондықтан азамат Ж. Сырлыбаев құжаттарды тапсырып, 400 АЕК көлемінде жаңа бизнес - идеяларды іске асыруға мемлекеттік грант алды.

Грант есебінен ол гипс бұйымдарын жасау үшін қажетті технологиялық жабдықты сатып алды.

Қазіргі уақытта өндіріс жолға қойылған. Өнімге деген сұраныстың болуына байланысты өндірісте қосымша екі тұрақты жұмыс орны ашылды.

 

Жаңа бизнес-идеяларды іске асыруға арналған гранттар (бұдан әрі-гранттар) халықтың әлеуметтік осал топтары қатарындағы адамдарға конкурстық негізде 400 еселенген айлық есептік көрсеткіштің мөлшеріне дейін беріледі, оларға мыналар жатады:

      1) атаулы әлеуметтік көмек алушылар;

      2) төрт және одан да көп бірге тұратын кәмелетке толмаған балалары бар көп балалы отбасыларға, оның ішінде жалпы орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында жалпы білім беретін немесе кәсіптік бағдарламалар бойынша күндізгі оқу нысанында оқитын балаларға, олар он сегіз жасқа толғаннан кейін білім беру ұйымдарын бітірген уақытқа дейін ай сайынғы мемлекеттік жәрдемақы алушылар (бірақ жиырма үш жасқа толғанға дейін) және (немесе) оның жұбайы (зайыбы);

      3) асыраушысынан айрылу жағдайы бойынша әлеуметтік төлем алушылар;

      4) қоныс аударушылар;

      5) қандастар;

      6) еңбекке қарсы көрсетілімдері жоқ мүгедектігі бар адамдар;

      7) мүгедектігі бар бала (мүгедектігі бар балаларды) тәрбиелеп отырған адамдар және (немесе) оның жұбайы (зайыбы).

Гранттар жұмыссыз немесе дара кәсіпкер ретінде мемлекеттік тіркеу мерзімі үш жылдан аз дара кәсіпкер ретінде грант алуға өтініш бергенге дейін тіркелген жағдайда халықтың әлеуметтік осал топтарына беріледі.

Гранттар бір рет беріледі және нысаналы мақсаты бойынша қажетті еңбек құралдарын, мүкәммалды, технологиялық жабдықты, жануарларды, малды, құстарды, көшеттерді, бұталарды, тұқымдарды, көшеттерді сатып алу, коммерциялық жылжымайтын мүлік объектілерінің, сондай-ақ сауда объектілерінің, оның ішінде жалға алу, пайдалану, сенімгерлік басқару құқығындағы сауда объектілерінің аумағында жаңа бизнес идеяларды іске асыруға арналған үй-жайларды жалдау ақысын төлеу үшін беріледі.

Бұл ретте жұбайынан (зайыбынан), жақын туыстарынан еңбек құралдары, мүкәммал, технологиялық жабдық, жануарлар, мал, құстар, көшеттер, бұталар, тұқымдар, көшеттер сатып алынбайды, сондай-ақ жаңа бизнес идеяларды іске асыруға үй-жайлар жалға алынбайды.

Гранттар тұтынушылық мақсаттарға, кредиттік қарыздарды өтеуге, жылжымайтын тұрғын үй сатып алуға және салуға, жер учаскелерін сатып алуға, акцизделетін өнімдер өндіруге берілмейді.

Грант алуға үміткерлердің өтініші мен бизнес-жобасы жаңа бизнес-идеяларды іске асыруға грант алуға үміткерлердің өтініштерін қарау жөніндегі комиссияның отырысына қарауға шығарылады.

Комиссия отырысында грант алуға үміткер жаңа бизнес-идеялардың жобасын таныстырады.