Әлемдік стандарттарға сәйкес келетін өнімдер

Алматы облысы әкімінің орынбасары және денсаулық сақтау басқармасының басшысы Медициналық және оңалту жабдықтарын шығаратын зауытқа барды.

Қазақстан Республикасының Президенті Қ.Қ. Тоқаевтың Жолдауын орындау мақсатында отандық өндірістегі дәрілік заттар мен медициналық бұйымдардың үлесін қолда бар 17% - дан 50% - ға дейін ұлғайту бөлігінде "Синтез-KZ" ЖШС қазақстандық өндірушісі Алматы облысының Талғар қаласында медициналық оңалту жабдықтарын өндіруді жолға қойды.

Алматы облысы әкімінің орынбасары Рустам Исатаев өндірістік үдеріспен және шығарылатын жабдықпен танысу мақсатында қазақстандық өндіруші зауытқа барды. Сондай-ақ, кездесуге Талғар ауданының әкімі Таңат Айдарбеков, Талғар қаласының әкімі Бақыт Күрішбеков, "Отандық медициналық бұйымдар, медициналық өнімдер өндірушілер одағы "қауымдастығының төрағасы Серікбол Мусинов және аталған қауымдастықтың мүшесі Жанайдар Мусин қатысты.

"Медициналық және оңалту жабдықтарын шығаратын зауыт ағымдағы жылы салынып, мамыр айында іске қосылды. Оның өндірістік ауданы 1300 шаршы метр және қосалқы бөлмелері бар. Осы өндірісте шығатын барлық өнімдердің тіркеу куәліктері бар және әлемдік стандарттарға сәйкес келеді",-дейді Sintez-KZ ЖШС медициналық холдингінің директоры Игорь Рыбин.

Оңалту жабдықтары ересектерді де, балаларды да емдеуге арналған. Компания "Қазақстан Халқына" және "Қамқорлық" қорларының бағдарламалары бойынша жабдықтар жеткізеді, сондай-ақ мемлекеттік сатып алу шеңберінде жеткізу тәжірибесі бар.

Денсаулық сақтау басқармасы басшысының айтуынша, облыста мүмкіндігі шектеулі 7 мыңға жуық бала бар.

"2023 жылдың 1 мамырдағы жағдай бойынша Алматы облысында мүгедектігі бар 42843 азамат тіркелген, оның ішінде 6542 адам 18 жасқа дейінгі балалар", – деді Алматы облысы Денсаулық сақтау басқармасының басшысы Лязат Актаева.