Соңғы тәулікте облыста 137 адам коронавирус жұқтырды

25.10.2021 жылғы дерек бойынша облыста 54 759 адамның коронавируспен ауырғаны зертханалық тексеру арқылы расталған. Соңғы тәулікте ауырғандар саны – 137, өсім деңгейі – 0,3%. Соның ішінде Талдықорғанда – 40, Текелі қаласында – 17, Алакөлде – 16,  Талғар ауданында – 15, Қарасай, Панфилов аудандарында – 11-ден, Қаратал ауданында – 10,  Ұйғыр ауданында - 7, Еңбекшіқазақ ауданында – 3, Көксу, Балқаш, Ескелді аудандарында – 2-ден, Жамбыл ауданында – 1.

01.08.20 жылдан бері анықталмаған пневмонияның 7944  жағдайы тіркелді, соңғы тәулікте дерек тіркелген жоқ.

25.10.2021 жылғы дерек бойынша ПЦР тәсілімен 1 071 499 адам зертханалық тексеруден өтті, соңғы 3 күнде тексерілгендер саны –7212.

Барлығы 1100 адам стационарлық ем қабылдауда. Ауруханаларға бір тәулікте 73 адам түсті, 50 адам шығарылды. Инфекциялық төсек-орын жүктемесі – 46,5 %. Жансақтау бөлімінде 42 пациент жатыр, соның 4-еуі ИВЛ аппаратына қосылған.

Облыста бір тәулікте COVID-19 инфекциясынан 60 адам жазылды.

COVID-19 қарсы вакцинаның 1-ші компонентін 798 671 адам алды, соның 1180-і өткен тәулікте егілді. 2-ші компонентін 719 775 адам алды, оның 664-і екпені өткен тәулікте салдырды.