Соңғы тәулікте өңірде 162 адам коронавирус жұқтырды

27.09.2021 жылғы дерек бойынша облыста 50 402 адамның коронавируспен ауырғаны зертханалық тексеруде расталған. Соңғы тәулікте ауырғандар саны – 162, өсім деңгейі – 0,3%. Соның ішінде Талдықорған қаласында – 58, Қаратал ауданында – 16, Еңбекшіқазақ ауданында – 14, Ұйғыр ауданында – 10, Алакөл ауданында – 8, Талғар, Іле,  Кербұлақ аудандарында, Текелі қаласында – 7-ден,  Ескелді ауданында – 6, Жамбыл, Панфилов Қарасай аудандарында – 5-тен, Көксу ауданында – 3, Сарқан, Балқаш аудандарында – 2-ден.

01.08.20 жылдан бері анықталмаған пневмонияның 7513 жағдайы тіркелді, соңғы тәулікте Еңбекшіқазақ ауданынан 3 сырқат анықталды. Олармен 3 адам қарым-қатынаста болған, барлығы да үй карантинінде, медициналық мамандардың бақылауында.

27.09.2021 жылғы дерек бойынша ПЦР тәсілімен 994 201 адам зертханалық тексеруден өтті, соңғы 3 күнде тексерілгендер саны – 9341.

Жалпы саны 1657 адам стационарлық ем қабылдауда. Ауруханаларға бір тәулікте 103 адам түскен, 101 адам шығарылған. Инфекциялық төсек-орын жүктемесі – 48 %. Жансақтау бөлімінде 58 пациент жатыр, соның 5-еуі ИВЛ аппаратына қосылған.

Өткен тәулікте барлығы 507 адам коронавирус инфекциясынан жазылды.

COVID-19 қарсы вакцинаның 1-ші компонентін 747 414 адам алды, соның 1255-і өткен тәулікте егілді. 2-ші компонентін 642 965 адам алды, оның 1030-ы екпені өткен тәулікте салдырды.