Жаңа жыл қарсаңындағы жүздесу

Кездесуде облыстың 2018 жылғы әлеуметтік-экономикалық дамуы туралы бейнефильм көрсетіліп, облыс басшысы А. Баталов өңірдегі қолға алынған жобалар, атқарылған істер және алдағы жоспарлар туралы кеңінен әңгімеледі. Ардагерлерді Жаңа жыл мерекесімен құттықтап, оларға мықты денсаулық, отбасыларына бақ-береке тіледі.

Ардагерлер де өз тарапынан пікірлерін білдіріп, лебіздерін жеткізді. Елбасының жүргізіп отырған мемлекеттік саясатының арқасында бейбіт те берекелі өмірге куә болып отырғандарын тілге тиек етіп, ризашылықтарын айтты.

Кездесуде облыстағы өнер ұжымдарының концерті ұсынылды.