Саябақтағы салтанат

«Ел тірегі, ел бақыты – Ата Заң» атты мере­келік ша­раға тек тұрғындар мен өнер­паздар емес, ұлттық спортты ұлықтап жүргендер де қа­тысты. Саябаққа кіреберісте ел атын әлемге әйгілеген спортшыларға арналған сурет көрмесі ұсынылса, оң жақ қапталда тоғыз­құмалақ, шах­мат, дойбы, қолкүрес, қазақ күре­сінен өтіп жатқан дода жиылған жұрттың деле­бесін қоздырды. Сол жақ қаптал­дағы арқан­тар­тыс­тың жөні бір басқа.

 

Өңір басшысы спорт­шы­лармен, қала тұрғын­дарымен бірге естелік суретке түсіп, салтанатты жиын өтіп жатқан сах­наға бет алды. Кішкентай бал­дырғандардан бастап әр­түрлі салада қызмет ете­­тін жандар жұмыс киім­­дерімен алаңға шы­ғып, салтанатты шараның көр­кін қыздырды. Сахна тө­ріне көтерілген облыс әкімі Амандық Баталов:

 

– Сіздерді Қазақстан Рес­пуб­ликасы Консти­туциясы күнімен шын жү­ректен құт­тықтаймын! Ке­мел келешектің кепілі болған Ата Заңымыз сіз­дер мен біздің құқығы­мызды қорғап, бейбіт өмір сүруімізді қамтамасыз ете­ді. Біз қысқа мерзім ара­лығында тәуелсіз­ді­гімізді тұғырлы етіп, ал­пауыт елдермен арадағы ше­кара­мызды белгіледік. Әлемдік аренада еліміз ең беделді ха­лық­аралық ұйым­­дарға мүше болды. Өткен жылы «ЭКСПО – 2017» халықаралық көр­месін абыроймен атқар­дық. Биыл Астананың 20 жылдығын атап өттік. Ел­ор­даның өркендеуіне бар­ша қазақ даласы атса­лыс­ты. Соның ішінде Же­тісу жұрт­шылығы «Жетісу» сая­ба­ғын жаңғыртып, тар­ту етті. «Бірлігі мықты ел­дің келешегі жарқын» де­ген­дей, осындай маңызды істер ар­қылы ел мәр­те­бесі тағы бір асқақтай түсті, – деп лебізін біл­дірді. Сөз соңында Конс­ти­туцияның ма­ңыз­ды­лы­ғына тоқталып, бар­ша қазақ елінің гүлдене бе­руін тіледі.

 

Мерекелік шара кон­церт­тік бағдарламаға ұла­сып, Сү­йін­бай атындағы облыстық фи­лармония мен «Тал­ды­қор­ған әуен­дері» фольклорлық ан­самблінің өнерпаздары ән­нен шашу шашты. Сон­дай-ақ, эстрада жұлдыз­дары да ән шырқап, ха­лық­тың ыстық ықы­­ласына ке­нелді.