«Рухани қазына» кіші бағдарламасы аясында 243 мәдениет үйі жөнделмек

Алматы облысында «Рухани қазына» кіші бағдарламасы аясында жуық жылдарда облыстағы 243 мәдениет үйі күрделі жөндеуден өткізіледі. Оның 7-еуі өткен жылы жасалса, биыл 11 жобалық-сметалық құжаттама, 2 қалпына келтіру және 3 күрделі жөндеу жұмыстары жүргізілді. Бұл жөнінде бүгін Орталық коммуникациялар қызметінде «Рухани жаңғыру» бағдарламасының өңірде орындалуы туралы өткен брифинг барысында облыс әкімі Амандық Баталов айтты.

 

«Жырға тұнған мекенім – Жетісуым» жобасы бойынша 43 жергілікті ақын-жазушының кітаптары жарық көрді. «Жетісу балалар кітапханасы» жобасы бойынша 6 автордың балаларға арналған түрлі жанрдағы антологиясы басылып шықты, сөйтіп 24 мың дана кітап оқырманға жол тартты.