Өнерпаздарды Өзбекстанға шығарып салды

Алматы облысының өнерпаздары Өзбекстан Республикасына аттанды. Бауырлас елде өнер көрсетуге жолға шыққан ұжымдар қатарында Сүйінбай атындағы облыстық филармония, «Алатау әуендері», «Құлансаз», «Үшқоңыр» ән-би ансамбльдері бар. Барлығы 116 адам Өзбекстан Республикасындағы Алматы облысының күндеріне қатыспақ.

 

Сүйінбай атындағы Алматы облыстық филармониясының директоры Данияр Құрамысовтың айтуынша, Ташкент қаласында 12-сі күні үлкен концерт өтеді. Онда жетісулық өнерпаздар халықтық өнерімізді танытумен қатар өзбек ұлтының да ән-билерін ұсынбақ. Осыған орай тың репертуар түзіліп, жаңа костюмдер тігілген. Өнерпаздарды  әріптестері салтанатпен шығарып салды.