Өңірде дәнді дақылдар жинау науқаны аяқталды

Алматы облысында дәнді дақылдар жинау науқаны аяқталды. Барлығы 469,8 мың га жиналып, науқан толығымен аяқталды. Әр гектарына орта есеппен 30,0 центнерден жиналып, 1411,1 мың тонна тартылды, - деп хабарлайды Алматы облысы әкімінің баспасөз қызметі.

Облыстық ауыл шаруашылығы басқармасының хабарлауынша, дәндік жүгері 86,4 мың га жерден 581,3 мың тонна жиналды, орташа шығымдылық әр гектарына 67,3 центнерден айналды; күріш 10,6 мың га жерге себіліп, 36,3 мың тонна өнім жиналды, орташа өнімділігі - 34,2 ц/га. Майлы дақылдар 154,6 мың га жерден жиналды, 288,3 мың тонна майлы дақыл алынып, әр гектарына 18,6 центрден өнім берді.  Картоп пен бау-бақша өнімдері 77,1 мың га жерден жиналып, 1 901,477 мың тонна өнім алынды, орташа өнімділік - 246,6 ц/га.

Дәнді дақылдарды қабылдауға 265 астық қамбасы дайындалды, олардың сыйымдылығы 771 мың тонна, соның ішінде 2-еуі - 25,6 мың тонналық лицензияланған нан қабылдау кәсіпорны.

2021 жылға арналып 235,4 мың тонна астық қапталды: соның ішінде дәнді дақылдар – 79,0 мың тонна немесе 99,7%, майлы дақылдар – 14,5 мың тонна немесе 100,0%, жемшөптік дақылдар – 1,0 мың тонна немесе 100 %, картоп – 140,9 мың тонна немесе 100,0%.

Жемшөптік дақылдардан 2 842,1 мың тонна шөп дайындалды (жоспардың 100,9%), 539,8 мың тонн пішендеме (100,8%), 673,0 мың тонна сабан (100,3%), 673,3 мың тонна жемшөп дәні (100,0%) және 697,6 мың тонна сүрленген шөп (100,0%) жиналды.

2021 жылға арналып 199,4 мың га сүдігер жер айдалды, 106,0 мың га күздік дақылдар себілді. 

Алматы облысы әкімінің баспасөз қызметі.