Жазатайым оқиғалардың бірінші себебі – адам факторы. Жүргізушілер жылдамдықты елемейді, жаяу жүргіншілер әрдайым мұқият бола бермейді. Жол-көлік оқиғасын азайтудың бірден-бір жолы – жол ережесін қатаң сақтау.
Статистикаға сәйкес, 2021 жылы Қазақстанда 3,8 миллион жол қозғалысы ережесін бұзу фактісі анықталған. Жол-көлік оқиғаларының өсімі 10,2%-ды құрады, 2020 жылмен салыстырғанда зардап шеккендер саны 11,2%-ға өсті. Түрлі жол-көлік оқиғаларының салдарынан 10947 адам дене жарақатын алса, 1258 адам қайтыс болды.
Қайғылы оқиғалардың жартысынан астамы жол қозғалысы ережелерін, оның қатысушыларын, жаяу жүргіншілерді қарапайым түрде құрметтемеуден болады. ЖКО-ның 30%-ы мас жүргізушінің рөлге отыруы, 25%-ы жылдамдықты арттыру салдарынан болады. Ең қайғылысы көліктердің өтіп бара жатқан немесе жанама соқтығысуы болса, екінші орында жаяу жүргіншілерді қағу.
Жол қозғалысы ережелерін сақтау, жол-көлік оқиғаларының алдын алу бойынша халықтың хабардарлығын арттыру мақсатында 637 адамды қамтыған 25 оқыту семинары, 955 адамды қамтыған 17 конференция, 330 адамды қамтыған 14 спорттық іс-шара ұйымдастырылды.
42 150 дана үнпарақ мен буклеттер шығарылды.