Есепті кезеңде облыс әкімі аппараты басшылығының атына жеке және заңды тұлғалардан 1701 өтініш келіп түскен, бұл 2020 жылдың сәйкес кезеңімен салыстырғанда 344-ке артық (2020 ж. – 1357)
Жалпы өтініштердің 1076-і жоғары тұрған органдардан түскен, оның ішінде:
ҚР Президенті Әкімшілігінен – 199;
ҚР Премьер-Министрі Кеңсесінен – 31;
Министрліктерден – 56;
ҚР Парламентінен – 20.
428 өтініш Электронды Үкімет порталы арқылы жіберілген, бұл келіп түскен өтініштердің жалпы санының 25,2 %-ін құрайды, облыс әкімінің блогына- 135 (7,9%).
Көтерілген мәселелердің сипаты бойынша ең көбі:
- 427 (25,1%) – тұрғын үй беру және коммуналдық-шаруашылық мәселелері;
- 173 (10,2%) – әлеуметтік қамтамасыз ету мәселелері (материалдық және әлеуметтік көмек көрсету,білім беру, денсаулық сақтау);
- 279 (16,4%) – мемлекеттік басқару мәселелері (жер және басқа да дауларды шешудегі лауазымды тұлғалардың әрекеті және әрекетсіздігі, лауазымды тұлғалардың үстінен түскен шағымдар, жеке мәселелері бойынша қабылдауға өтініштер);
-161 (9,5 %) – жер беру және жерді пайдалану;
- 99 (5,8%) – кәсіпкерлік мәселелері;
- 82 (4,8%) – ауыл шаруашылығы мәселелері;
- 81 (4,7%) – мәдениет мәселелері.
- 53 (3,1%) құрылыс мәселелері;
Өтініштердің негізгі бөлігі 1671 (жалпы түскен өтініштердің 98,2 %) алғашқы сипатта, қалған 30-ы (1,7 %) - қайта жолданған.
Есепті кезеңде келіп түскен өтініштердің 75-сі (4,4%) Қазақстан Республикасы Президенті Әкімшілігінің, 12-сі (0,7%) Қазақстан Республикасы Премьер-Министр Кеңсесінің бақылауына алынған.
Қазақстан Республикасының «Жеке және заңды тұлғалардың өтініштерін қару тәртібі туралы» Заңының (бұдан әрі - Заң) 7-бабына сәйкес 396 өтініш тиісті мемлекеттік органдарға қайта бағытталған, олар 23,3%-ды құрайды.
Өтініштердің көпшілігі Талдықорған қаласынан- 404 (23,8%), Алматы қаласынан – 311 (18,30%), Талғар ауданынан - 147 (8,6%), Қарасай – 142 (8,3%), Іле – 128 (7,5%), Еңбекшіқазақ- 116 (6,8%), Жамбыл ауданынан - 43 (2,5%) келіп түскен, барлығы –1294, олар жалпы өтініштер санының 75,9%-ын құрайды.
Қалған өңірлердің үлесінде - 407 өтініш, бұл жалпы өтініштер санының 23,9%-ын құрайды.
Өтініш иелерінің әлеуметтік құрамы бойынша халықтың барлық негізгі топтары бар, сонымен қатар облыс басшылығының атына көбінесе өздерінің проблемалық мәселелері бойынша шешім қабылдау туралы өтінішпен көпбалалы аналар мен зейнеткерлер жүгінеді.
Заңның 13-бабына сәйкес мемлекеттік органдар мен жергілікті өзін-өзі басқару органдарының басшылары және олардың орынбасарлары тиісті мемлекеттік орган басшысы бекіткен қабылдау кестесіне сәйкес айына кемінде бір рет азаматтарды және заңды тұлғалар өкілдерін, соның ішінде осы органдардың қызметкерлерін жеке қабылдау жүргізулері тиіс.
Жеке қабылдау кезінде облыс басшылығы 113 адамды қабылдап, оның 24-і оң шешім алған, 89-ына түсініктеме берілген.
Талдау көрсеткендей, өтініштердің көпшілігі облыс орталығынан, Алматы қаласынан және Алматы қаласымен шекаралас халық тығыз қоныстанған өңірлерден түскен. Барлық өтініштер Заңда белгіленген талаптарға сәйкес қаралады.
Қажет болған жағдайда мәселе комиссиялы түрде жергілікті жерге барып қаралады, мұндай тәжірибе негізінен қайта жолданған шағымдарды қарау кезінде қолданылады. Есепті кезеңде қайта жолданған өтініштер саны 8 бірлікке азайды.
Жергілікті атқарушы органдар тұрақты түрде түсіндіру жұмыстарын жүргізіп, аталған проблемаларды шешу бойынша шаралар қабылдауда.
Мемлекеттік органдардың сайттарында "жиі қойылатын сұрақтар" бөлімі ашылды, онда білім беру гранттарын беру, балабақшаға кезектілік, балаларды мектепке қабылдау, әртүрлі мақсаттарға жер беру тәртібі, тұрғын үй алуға кезекке қою, кезектілікті бақылау, атаулы әлеуметтік көмек, көпбалалы отбасыларға әлеуметтік төлемдер тағайындау және табысын жоғалту туралы неғұрлым сұранысқа ие тақырыптарға жауаптар орналастырылған.
Мәліметтерге қолжетімділікті, жер учаскелерін беру процестерінің ашықтығын қамтамасыз ету үшін облыста жер ресурстарының кешенді электрондық картасы әзірленді, Өңірлік геоақпараттық жүйе құрылды.
Геожүйе арқылы жер қатынастары және сәулет саласындағы 16 мемлекеттік қызмет электрондық форматқа ауыстырылды, олар облыстық маңызы бар үш қалада (Талдықорған, Текелі, Қапшағай) тестілеуден өтуде. Бас жоспарларды қабатпен қарау, елді мекендердің аумақтарын, тұрғын және тұрғын емес құрылыстарды, елді мекендердегі қызыл сызықтарды функционалдық аймақтарға бөлу мүмкін дігі ұсынылған.
Облыстың аудандары мен қалаларында сервистік әкімдік құрылды. Мемлекеттік органдардың қолжетімділігін, жұмыс процестерінің ашықтығы мен айқындығын арттыру мақсатында 214 мемлекеттік мекеме "Ореп space" жұмыс форматына көшті. Оның ішінде 178 жалпы білім беретін мектеп, 28 мемлекеттік мекеме. Облыс әкімдігінде "Ореп speace" қағидаты бойынша қоғамдық қабылдау жұмыс істейді.
Жеке және заңды тұлғалардың өтініштерін қарау бойынша жұмыстың жаңа форматына көшу мәселелеріне ерекше назар аударылды. Өтініште қойылған мәселені барынша шешу немесе қолданыстағы заңнама шеңберінде нақты және айқын түсіндіру үшін жауаптардың уақтылығын, сапасын қамтамасыз ету және шаралар қабылдау тапсырылды.
Қазақстан Республикасының Әкімшілік рәсімдік-процестік кодексінің ережелерін түсіндіру және «Е-Өтініш» пилоттық жоба бойынша жұмыс жүргізілуде.
Азаматтардың өтініштерін қарауды жаңа фоматқа көшіру бойынша жұмыс жалғасуда және бақылауға алынды.
Алматы облысының әкімінің әлеуметтік желілерде жеке парақшасы ашылып, осы күнде белсенді жұмысын жүргізуде.
Сондай-ақ,халықпен кері байланысты орнату мақсатында «Facebook», «Instagram», «Twitter», «Вконтакте», «Мой мир» әлеуметтік желілерінде облыс әкімі баспасөз қызметінің ресми парақшалары тиімді жұмысжүргізіп келеді. Оқырмандар мен жазылушылардан келіп түскен өтініштерге, пікірлер мен шағымдарға түсіндірулер мен жауаптар уақытылы беріліп отырады.
Облыс әкімінің жеке парақшалары мен әкімнің баспасөз қызметінің парақшаларына оқырмандар тарапынан көптеген өтініш-тілектер мен арыз-шағымдар келіп түсуде. Олар бойынша тиісті мемлекеттік мекеме мен құзырлы орган басшыларына тұрғындардың атап көрсеткен түйткілді мәселелерінің мән-жайын анықтап, шешімін табу бойынша нақты тапсырмалар берілуде. Пікірлер мен өтініштердің мазмұнына қарай кейбір сұрақтардың жауабын баспасөз қызметінің мамандары өз құзыреті шеңберінде желі қолданушыларына уақыт оздырмай тиісті жауабын беруде.
Сонымен қатар, халықпен кері байланысты белсенді қылумақсатында «Алматы облысы әкімдігінің қоғамдық қабылдау бөлмесі» Telegram-каналы жұмыс істейді.
Облыс әкімі аппаратының ғимаратында қоғамдық қабылдау бөлмесі бар, онда күнделікті келушілермен жұмыс жүргізілуде. Көтерілген мәселелер сипаты бойынша қабылдау жүргізу үшін басқармалардың басшылары, аудан әкімдері, облыс әкімінің бас инспекторлары-өңірлердің жетекшілері шақырылады.
Мемлекеттік органдардың интернет-ресурстарының «Онлайн – қабылдау» бірыңғай платформасында Алматы облысы әкімінің аппараты «Сұрақ қою» кіші бөлімін орнатты.
Жеке және заңды тұлғалардың өтініштерін қарау мәселесі ерекше бақылауда тұр.