АОСӨСҚПО "Алматы облысында 2021 жылдың 9 айында салауатты өмір салтын насихаттау бойынша атқарылған жұмыс" тақырыбында облыстық онлайн-семинар ұйымдастырды. Семинарға қатысушылар облыстың 17 ауданы мен 3 қаласының СӨСҚ кабинеттерінің қызметкерлері.
Семинар барысында "АОСӨСҚПО" ЖШС директоры, м.ғ. к. Арслан Индершиев Қазақстан Республикасы Президентінің 2021 жылғы 7 қазандағы № 670 Жарлығымен бекітілген "Дені сау ұлт " әрбір азамат үшін сапалы және қолжетімді денсаулық сақтау" ұлттық жобасымен таныстырды.
Семинарға қатысушылар СӨСҚ кабинеттерінің жұмыс нәтижелерімен танысты. Ағымдағы жылдың 9 айында ақпараттық-ағартушылық қызмет барысында облыстың 504 891 тұрғыны (24,5%) қамтылды, 2020 жылы 116 105 адам (5,6%). Ең көп қамту – Еңбекшіқазақ, Талғар, Іле аудандарында.
Сондай-ақ, Қазақстан Республикасы Тәуелсіздігінің 30 жылдығына орай, халық арасында салауатты өмір салтын насихаттауға қосқан үлесі үшін Ақсу, Алакөл, Еңбекшіқазақ, Ескелді, Жамбыл, Іле, Қарасай, Қаратал, Кеген, Кербұлақ, Панфилов, Райымбек, Сарқан, Талғар, Ұйғыр аудандары мен Қапшағай, Текелі қалаларының қызметкерлері Алматы облысы Денсаулық сақтау басқармасының грамотасымен марапатталды.