"Қазақстан-2030" ел дамуының стратегиясында атап көрсетілген: мемлекеттің әлеуметтік және экономикалық дамуының барлық перспективалары, халықтың жоғары өмір сүру деңгейі, ғылым мен мәдениеттің даму деңгейі балалардың бүгінгі таңда қол жеткізген денсаулығының нәтижесі болып табылады.
Соңғы жылдары байқалған балалар мен жасөспірімдердің денсаулығының қолайсыз өзгерістері мемлекетке үлкен әлеуметтік және экономикалық зиян келтіреді.
Бала мүгедектігінің өсу үрдісі бар, мүгедектіктің негізгі себептері: туа біткен ауытқулар (32,5%), жүйке жүйесінің аурулары (22,9%), психикалық бұзылулар (12,5%). Отырықшы өмір салты мен теңгерімсіз тамақтанудың салдарынан артық салмақтан зардап шегетін 6-9 жастағы балалар саны өсуде. Мектеп жасындағы балалардың арасында асқазан-ішек жолдарының аурулары басым (24%).
Оқушылардың денсаулығын нығайту, салауатты өмір салтын ұстануды қалыптастыру, дене белсенділігін насихаттау мәселелері бойынша білім деңгейін арттыру үшін және денсаулық апталығы шеңберінде облыстың 1200-ден астам балаларын, жасөспірімдерін және жастарын қамти отырып, семинарлар, тренингтер, спорттық іс-шаралар мен акциялар ұйымдастырылып, өткізілді.