Ескелді аудандық аумақтық сайлау комиссиясының 2021 жылғы 12 мамырдағы жағдай бойынша 2021 жылғы 12 мамырға тағайындалған Бақтыбай ауылдық округі әкімін сайлауы туралы хабарламасы

Ескелді  ауданында 2020 жылдың 1 мамырына таңдаушылар саны 13 депутатты құрайды. 2021 жылғы 12 мамырға тағайындалған Бақтыбай ауылдық округінің әкімінің сайлауын дайындау және өткізу жөніндегі негізгі іс-шаралардың Күнтізбелік жоспарына сәйкес кандидаттарды ұсыну 2021 жылғы 13 сәуірде басталды және 2021 жылғы 17 сәуірде жергілікті уақыт бойынша сағат он сегізде аяқталды.

2021 жылғы 12 мамырдағы жағдай бойынша Бақтыбай ауылдық округінің әкімдігіне барлығы 3 кандидат ұсынылды.

15 сәуірде аудан әкімінің ұсынысы негізінде төмендегі 3 кандидат өтініштерін өткізді:

1. Ертурғанов Жанас Жанайдарұлы - Ескелді ауданының тұрғын үй коммуналдық шаруашылық және тұрғын үй инспекциясы бөлім басшысы, мекенжайы: Ескелді ауданы, Шымыр ауылы, Торайғыров көшесі №24
2. Саурбеков Бауыржан Кушенұлы - Бақтыбай ауылының ветеринарлық пункт меңгерушісі, мекенжайы: Ескелді ауданы,Бақтыбай ауылы,Бейбітшілік көшесі ,№27.

 

 

3. Саскебаев Азамат Ержанұлы - Бақтыбай ауылдық округі әкімінің орынбасары, мекенжайы: Ескелді ауданы, Елтай ауылы, Ш.Уәліханов  көшесі №28 А.

Аудандық аумақтық сайлау комиссиясы барлық кандидаттардың Конституциямен және "Қазақстан Республикасындағы сайлау туралы" Конституциялық заңмен қойылатын талаптарға сәйкестігін тексерді.

27 сәуірде Қазақстан Республикасының "Қазақстан Республикасындағы сайлау туралы" Конституциялық заңына сәйкес, кандидаттармен тіркеу үшін барлық қажетті құжаттар (кандидаттарды ұсыну туралы аудан әкімінің ұсынысы,  дауысқа түсуге келісім беру туралы өтініштер, кандидаттардың өмірбаяндық деректері, кандидат пен оның жұбайларының табысы мен мүлкі туралы декларация тапсырғаны туралы анықтамалар) ұсынылғанына байланысты, 3 кандидат – Ертурғанов Ж.Ж., Саскебаев А.Е., Саурбеков Б.К. тіркелді. Олардың тіркелуі туралы ақпарат аудандық БАҚ-та жарияланды, аудан әкімдігінің сайтында орналастырылды.

8 сәуірден бастап тіркеу мерзімі аяқталғаннан кейін кандидаттар сайлау алдындағы үгіт жүргізді.

6 мамырда Ескелді ауданың мәдениет үй залында кандидаттардың таңдаушылармен кездесуі өткізілді.

      12 мамырда  тізімге енгізілген сайлаушылардың ортақ саны – 13, сайлауға қатысқаны – 10 , сайлауға қатысушы үміткерлердің саны – 3.

 

      Әкімге үміткерлерге берілген дауыс саны: Ертурғанов Ж.Ж. - 1, Саскебаев А.Е. - 9, Саурбеков Б.К. - 0.

Аудандық сайлау комиссиясының шешімі негізінде  12 мамырда өткізілген  Бақтыбай ауылдық округінің әкімі болып Саскебаев Азамат Ержанұлы сайланды және тіркелді.

     2021 жылғы 12 мамырдағы жағдай бойынша сайлауды әзірлеу мен өткізуге қатысты шағымдар мен өтініштер болған жоқ.

 

Аудандық аумақттық сайлау комиссиясының төрағасы                              Р.Жексенбеков