ҚР СИМ Техникалық реттеу және метрология комитетінің Алматы облысы бойынша департаменті Кәсіпкерлер палатасы алаңында техникалық реттеу және метрология саласындағы жаңа заңнамалармен таныстырды. Дөңгелек үстелге Департаменттің басшылығы және Алматы облысының бизнес қауымдастығы қатысты. Дөңгелек үстел облыстың аудандары мен қалаларымен онлайн режимінде өткізілді.
Дөңгелек үстелде департамент басшысы Б.Мұхтаров, басшының орынбасары Б.Омарова, бас маман Г.Абдрасилова сөз сөйледі.
Кездесуге қатысушыларға техникалық реттеу саласындағы жаңа тәсілдер көрсетілді. Атап айтқанда, мемлекеттік бақылауды жетілдіру, оның ішінде техникалық регламенттердің талаптарына сәйкес келмейтін өнімді шығаруға тиім салу және кері қайтарып алу мәселелерін реттеу, мамандандырылған заңнамаға байланысты қызметті жүзеге асырырып жүрген кәсіпкерлік субъектілеріне қатысты профилактикалық бақылау рәсімін енгізу туралы мәліметтер болды. Сапасыз және орынсыз тауарларды қазақстандық нарықтан шығару мәселелері де айтылды. Бірінші кезектегі бұзушылықтарды анықтаудың жеделдігі мен тиімділігіне және анықталған бұзушылықтарға жауап беру шараларына мән беріледі.