Алматы облысы әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның 2020 жылға арналған жұмыс жоспары құрылып, жоспарға сәйкес комиссияның 4 отырыс өткізілді. Жоспар бойынша кәсіптік білім беру ұйымдарының студенттері арасында құқық бұзушылық, нашақорлық, алкоголь және темекі өнімдерін пайдалагудың, суицидтік әрекеттердің, тұрмыстық зорлық-зомбылық, жыныстық тиіспеушіліктің, балалар қауіпсіздігінің алдын алу мәселелері қарастырылды.
Сонымен қатар, комиссияның кезекті отырыстарында балалардың жазғы демалысының ұйымдастырылуы, мүмкіндігі шектеулі балалардың құқықтары мен заңды мүдделерінің сақталуы, «Мектепке жол» қайырымдылық акциясының ұйымдастырылуы, «Жусан» операциясы аясында террористік белсенді аймақтардан оралған әйелдер мен балалардың оңалту туралы сұрақтар талқыланып, тиісті мемлекеттік мекемелерге хаттамалық тапсырмалар берілді.