2021 жылғы 10 қаңтарда бірыңғай сайлау округінің аумағы бойынша Алматы облыстық мәслихаты депутаттарының кезекті сайлауы өтті.
Облыс бойынша сайлаушылар тізіміне 1400038 азамат енгізілді, оның ішінде 1029083 адам немесе 73,5 пайызы сайлау бюллетеньдерін алды.
Дауыс беруге 1029083 адам қатысты, оның ішінде есептен шығару куәліктері бойынша 1940 сайлаушы дауыс берді, дауыс беруге арналған үй-жайлардан тыс 6793 сайлаушы дауыс берді.
Сайлауға бес саяси партия қатысты.
Саяси партиялар үшін дауыс беру кезінде мынадай дауыс саны берілді:
Қазақстан Халық партиясы - 87793 дауыс немесе дауыс беруге қатысқан сайлаушылар дауысының 8,54%;
"Nur Otan" партиясы - 827844 дауыс немесе дауыс беруге қатысқан сайлаушылар дауысының 80,53%;
Халық демократиялық патриоттық партиясы "Ауыл" - 91221 дауыс немесе дауыс беруге қатысқан сайлаушылар дауысының 8,87%;
Қазақстанның демократиялық партиясы "Ақжол" - 16631 дауыс немесе дауыс беруге қатысқан сайлаушылар дауысының 1,62%;
Саяси Партия "ADAL" - 4554 дауыс немесе дауыс беруге қатысқан сайлаушылар дауысының 0,44%.
Дауыс беруге қатысқан сайлаушылар дауысының жеті және одан да көп пайызын алған саяси партиялар үшін депутаттық мандаттарды мынадай бөлу белгіленді:
Қазақстан Халық партиясы - 4 мандат;
"Nur Otan" партиясы - 37 мандат;
"Ауыл" халықтық-демократиялық патриоттық партиясы - 4 мандат.
Алматы облыстық сайлау комиссиясы