Саяси партиялар үшін семинар

Алматы облысының аумақтық сайлау комиссиясы облыстық саяси партиялардың өкілдеріне семинар өткізді.

2026 жылғы 15 қазанда Алматы облысының аумақтық сайлау комиссиясы 2026 жылғы 29 қарашаға тағайындалған Қазақстан Республикасы мәслихаттары депутаттарының кезектен тыс сайлауын дайындау және өткізу мәселелері бойынша облыстағы саяси партиялардың өкілдеріне семинар өткізді.

Семинар барысында барлық деңгейдегі мәслихаттар депутаттарының кезектен тыс сайлауын дайындау және өткізу ерекшеліктері қаралды. Кандидаттарға қойылатын талаптар, кандидаттарды ұсыну тәртібі, сайлау алдындағы үгіт жүргізу, сондай-ақ саяси партиялардың сенім білдірілген адамдарының қызметіне қатысты түсіндірмелер берілді.