Қазақстан Республикасында денсаулық сақтауды дамытудың 2022–2029 жылдарға арналған тұжырымдамасын іске асыру аясында (Қазақстан Республикасы Үкіметінің 2022 жылғы 24 қарашадағы № 945 қаулысы, 2026 жылғы 11 наурыздағы № 162 қаулысымен енгізілген өзгерістерді ескере отырып) ҚР ДСМ Салидат Қайырбекова атындағы «Денсаулық сақтауды дамытудың Ұлттық ғылыми орталығының» ұйымдастырушылық-әдістемелік жетекшілігімен халықтың вирустық гепатит туралы хабардарлығын арттыруға бағытталған «Гепатит: Кедергілерді жою» ұранымен Дүниежүзілік гепатитпен күрес күні өткізілді.
Бүгінгі таңда вирустық гепатитті жоюға қажетті барлық құралдар қолжетімді: тиімді вакциналар, дәл диагностика әдістері, С гепатитін толық емдеп жазуға қабілетті препараттар, сондай-ақ аурудың өршуіне жол бермейтін, өмірді сақтап қалатын және бауыр циррозы бен обырының қаупін азайтатын В гепатитіне қарсы өмір бойына жүргізілетін терапия.
Вирустық гепатиттің алдын алу туралы халықтың хабардарлығын арттыру, салауатты өмір салты мен қауіпсіз мінез-құлыққа деген тұрақты ұмтылысты қалыптастыру, сөйтіп инфекция жұқтыру қаупін барынша азайту және аурудың таралу деңгейін төмендету мақсатында 110 іс-шаралар ұйымдастырылып, 3,9 мыңнан астам облыс тұрғындары қамтылды. Соның
ішінде 20 тақырыптық сабақ (468 қатысушы), 3 акция (358 қатысушы), 17 семинар-тренинг (682 қатысушы) және 24 спорттық іс-шара (834 қатысушы) 46 ашық есік күндері (1647 қатысушы).