Алматы облысының Қоғамдық кеңесінде басқармалар мен департаменттердің 2026 жылға арналған жұмыс жоспарлары тыңдалды.
Кеңес отырысының І бөлімі аясында облыстық басқармалар мен департаменттердің алдағы жылға арналған жұмыс жоспарлары қаралды.
Атап айтқанда, келесі мемлекеттік органдардың басшылары мен өкілдерінің баяндамалары тыңдалды:
1. Алматы облысы Жер қатынастары басқармасының басшысы Аманжол Кенесбайұлы Абдрахманов – 2026 жылға арналған жұмыс жоспары туралы баяндама жасады.
2. Алматы облысы Архитектура және қала құрылысы басқармасы басшысының міндетін атқарушы Димаш Рашидұлы Сыдықов – басқарманың 2026 жылға арналған жұмыс жоспарын таныстырды.
3. Алматы облысы Су ресурстары және ирригация басқармасының басшысы Саят Маратұлы Қараласов – алдағы жылға жоспарланған негізгі бағыттар туралы баяндады.
4. «Алматыоблсушар» шаруашылық жүргізу құқығындағы мемлекеттік коммуналдық кәсіпорны басшысының орынбасары Мадияр Мұхаметқалиұлы Мұхаметқалиев – кәсіпорынның 2026 жылға арналған жұмыс жоспарын ұсынды.
5. Алматы облысының Жер ресурстарын басқару департаменті басшысының орынбасары Болатбек Өскенбайұлы Дүйсенов – департаменттің 2026 жылға арналған жұмыс жоспарымен таныстырды.
Кеңес мүшелері ұсынылған жоспарлар бойынша пікір алмасып, бірқатар ұсыныстарын білдірді. Сондай-ақ алдағы кезеңде атқарылатын жұмыстардың тиімділігіне ерекше назар аудару қажеттігі атап өтілді.