Адам денсаулығын сақтау мен нығайтуда, әр адамда денсаулық сақтау дағдылары мен қауіпсіз мінез – құлықты қалыптастыруда, отбасын жоспарлауға жауапкершілікпен қарауда, ұрпақты болу денсаулығын қорғау және дені сау балаларды дүниеге әкелуде отбасы негізгі рөлді атқарады.
Отбасын жоспарлау – бұл сүйікті және дені сау баланы туу үшін әйелдер мен ерлердің денсаулығын қамтамасыз ету. Отбасын жоспарлау адамдарға отбасындағы бала санын саналы түрде таңдауға және олардың туылу мерзіміне, өз өмірін жоспарлауға, қажетсіз қорқу мен толқулардан аулақ болуға мүмкіндік береді.
Репродуктивті денсаулығының жағдай-күйі көбінесе адамның өмір сүру салтымен және де жыныстық өмірге жауапкершілігімен анықталады. Бұл өз алдына отбасы қарым-қатынасының тұрақтылығына, адамның жалпы хал-жағдайына әсер ететінін ұмытпайық.
Жасөспірім кезіндегі жүктілік әрқашан қалаусыз, бұл жас ана үшін де, оның баласы үшін де қиын сынақ. Жыныстық белсенділікті ерте бастау ауыр және жағымсыз салдарға, соның ішінде жоспарланбаған жүктілікке және жыныстық жолмен берілетін инфекцияларға әкелуі мүмкін.
Халық арасында репродуктивті денсаулықты қорғау сұрақтары бойынша хабардарлықты арттыру мақсатында түрлі шаралар ұйымдастырылып, 2 мыңға жуық адам қамтылды. Отбасын жоспарлау және репродуктивті денсаулықты қорғау бойынша 25290 дана парақшалар мен буклеттер шығарылды.