Жаңа оқу жылында дәстүрлі форматта – 190 мектеп, қашықтықтан оқыту форматында – 570 мектеп, 1-4 сыныптар арасында кезекші сыныптар саны - 4789, онда 59424 оқушы білім алуда. Қашықтықтан оқыту кезінде мектеп оқушыларына мектептегі компьютерлер уақытша пайдалануға берілді.
Бұдан басқа, ҚР Үкіметінің резервінен 55686 бірлік компьютерлік техника (компьютерлер - 5795, Ноутбуктер - 42383 планшеттер - 7508) сатып алуға 8,6 млрд.теңге бөлінді.
Сыбайлас жемқорлыққа қарсы іс-қимыл агенттігінің (сыбайлас жемқорлыққа қарсы қызмет) Алматы облысы бойынша департаменті басшысының қатысуымен Алматы облысы әкімінің орынбасарының төрағалық етуімен ҚР Үкіметінің резервінен компьютерлік техниканы сатып алу бойынша жұмыс тобы құрылды.
Қазіргі уақытта 4200 компьютерлік техника таратылды.
Бірінші кезекте компьютерлер табысы төмен отбасылардан шыққан балаларға, жетім және ата-анасының қамқорлығынсыз қалған балаларға, ерекше білім беру қажеттіліктері бар балаларға берілді. Жергілікті бюджет есебінен 4 млрд теңге бөлініп, оған компьютерлік техникалар сатып алынуда.