Алматы облысында сыбайлас жемқорлықтың алдын алу және оған қарсы іс-қимыл шаралары жүйелі түрде жүзеге асырылуда.
Есептік кезеңде 3 ведомствоаралық комиссия отырысы өткізіліп, 13 мәселе қаралды, 34 ұсыным әзірленді (23 орындалды, 11 – орындау сатысында).
45 ішкі сыбайлас жемқорлық тәуекелдеріне талдау жүргізіліп, 35 тәуекел анықталды, 15-і жойылды, 20-сы бойынша жұмыстар жүргізілуде.
«Сыбайлас жемқорлыққа қарсы мәдениетті нығайту» жоспары аясында 600-ден астам іс-шара өткізіліп, 7 мыңнан астам адам қамтылды. БАҚ-та 200-ден астам материал жарияланып, 80 баннер мен билборд орнатылды, 100-ден астам медиаөнім дайындалып, әлеуметтік желілерде кеңінен таратылды.
Мешіттерде уағыздар, кітапханаларда көрмелер ұйымдастырылды, «Халық заңгері» акциясы аясында 379 маман 1000-ға жуық азаматқа кеңес берді.
Квазимемлекеттік сектор комплаенс-офицерлеріне семинар өткізілді, білім беру ұйымдарында жұмысқа орналасу кезінде сыбайлас жемқорлықтың алдын алу бойынша түсіндіру жұмыстары жүргізілді, адалдық пен этикаға арналған бірыңғай сағат ұйымдастырылды.
Сыбайлас жемқорлыққа қарсы мәдениетті қалыптастыру және азаматтардың құқықтық санасын арттыру жұмыстары 2023–2025 жылдарға арналған жоспарларға сәйкес жалғасуда.