2025 жылғы 29 шілдеде облыс әкімі М.Е. Сұлтанғазиев облыс тұрғындарына арналған ауқымды жеке қабылдау өткізді. Қабылдау барысында тұрғындардың әлеуметтік және тұрмыстық өміріне қатысты өзекті мәселелері мұқият тыңдалып, тиісті мемлекеттік органдарға нақты тапсырмалар берілді.
Қабылдауға барлығы 11 азамат қатысып, жалпы 15 сұрақ көтерілді. Тұрғындар тарапынан келіп түскен мәселелер арасында апатты жағдайдағы тұрғын үйлердің жай-күйі, әлеуметтік қамсыздандыру мәселелері, тұрғын үй кешендеріндегі техникалық ақаулар және ауылдық елді мекендердің инфрақұрылымдық жүйелерін жетілдіру сұрақтары ерекше назарға алынды.
Көтерілген сұрақтар бойынша қажетті шаралар қабылдау мақсатында тиісті мемлекеттік органдарға нақты тапсырмалар беріліп, олардың орындалуы бақылауға алынды.