Алматы облысында сыбайлас жемқорлықтың алдын алу бойынша тұрақты жұмыс жүргізілуде.
Есепті кезеңде ВАК-тың сыбайлас жемқорлыққа қарсы іс-қимыл мәселелері бойынша 1 отырысы өткізілді, 6 мәселе қаралды, 12 ұсыныс әзірленді, олар орындалды.
№ 4 «Сыбайлас жемқорлықтың алдын алу және оған қарсы іс-қимыл» Үлгілік базалық бағытын «Битрикс» жүйесіне енгізу үшін үлгілер жасалды.
2025 жылға арналған облыстық басқармалар мен квазимемлекеттік ұйымдардың қызметіндегі сыбайлас жемқорлық тәуекелдеріне ішкі талдау жүргізу кестесі әзірленді.
Сыбайлас жемқорлық тәуекелдеріне ішкі талдау жүргізудің бекітілген кестесіне сәйкес сыбайлас жемқорлық тәуекелдеріне 45 ішкі талдау жүргізілді. Нәтижесінде сыбайлас жемқорлық тәуекелдерінің 35 анықталды, 35 ұсыныстар әзірленді, 15 орындалды, оларды жою бойынша іс-шаралар жүргізілуде 20.
Сыбайлас жемқорлыққа қарсы мәдениетті нығайту жөніндегі міндеттерді іске асыру мақсатында 2025 жылға арналған «Сыбайлас жемқорлыққа қарсы мәдениетті нығайту» жобасын іске асыру жөніндегі іс-шаралар жоспары әзірленді.
Жоғарыда көрсетілген Жоспар шеңберінде мынадай жұмыстар жүргізілді:
2025 жылдың басынан бастап сыбайлас жемқорлыққа қарсы саясатты іске асыру шеңберінде сыбайлас жемқорлыққа қарсы сипаттағы 500-ден астам іс-шара өткізілді.
Бұл іс-шаралар мемлекеттік органдардың қызметкерлерін, студенттерді, оқушыларды, бизнес және азаматтық қоғам өкілдерін қоса алғанда, 6 мыңнан астам адамды қамтыды. Сыбайлас жемқорлық құқық бұзушылықтардың алдын алуға, құқықтық сауаттылықты арттыруға және қоғамда сыбайлас жемқорлық көріністеріне төзбеушілікті қалыптастыруға баса назар аударылды.
Сыбайлас жемқорлыққа қарсы қызметті ақпараттық сүйемелдеу мақсатында:
- бұқаралық ақпарат құралдарында 180-нен астам материал,
- қоғамдық орындарда, білім беру мекемелерінде және көлікте 78 тақырыптық баннерлер мен билбордтар орналастырылды.
Мұндай белсенді жұмыс халықты сыбайлас жемқорлыққа қарсы күрес шаралары туралы хабардар етіп қана қоймай, қоғамда сыбайлас жемқорлыққа қарсы тұрақты көзқарасты қалыптастыруға да ықпал етеді.
Аудан әкімдеріне сыбайлас жемқорлықтың алдын алу мәселелері бойынша авторлық мақалалар жариялау қажеттілігі туралы кесте хат жолданды.
Кестеге сәйкес жұмыстар жүргізіліп, авторлық мақалалар жарияланады. Бүгінгі таңда аудандық газеттерде Қарасай, Іле, Райымбек және Кеген аудандары әкімдерінің мақалалары жарияланды.
Құқықтық тақырыпқа маманданған журналистер мен блогерлер пулы құрылды.
Ақпараттық-ағарту жұмысы шеңберінде бейнероликтер, плакаттар, инфографика, сондай-ақ әлеуметтік желілердегі жарияланымдарды қоса алғанда, 100-ден астам медиаконтент әзірленіп, таратылды.
Аталған материалдар сыбайлас жемқорлыққа қарсы құндылықтарды дәріптеуге, заңнама нормаларын түсіндіруге, сыбайлас жемқорлық көріністеріне нөлдік төзімділікті қалыптастыруға және азаматтардың құқықтық санасын арттыруға бағытталған.
Медиаконтент ресми интернет-ресурстарда да, танымал әлеуметтік платформаларда да орналастырылды, бұл халықтың түрлі топтарын, оның ішінде жастарды кеңінен қамтуды және тартуды қамтамасыз етті.
Халық арасында сыбайлас жемқорлықтың алдын алу мақсатында әкімдіктердің барлық ресми сайттарында және олардың әлеуметтік желілердегі беттерінде арнайы стикерлер орналастырылған.
Діни бірлестіктердің өкілдерін тарта отырып, іс-шаралар өткізу бойынша жұмыстар белсенді жүргізілуде.
Мешіттерде қоғамға жемқорлықтың зияны туралы уағыздар ұйымдастырылды.
Өңірдің барлық кітапханаларында жемқорлыққа қарсы кітап көрмелері ұйымдастырылған.
Келушілердің назарына Қазақстанның сыбайлас жемқорлыққа қарсы саясаты туралы кітаптар, кітапшалар, жинақтар, журналдар және басқа да материалдар ұсынылды.
Қонаев қаласында құқықтық көмек көрсету бойынша «Халық заңгері» кең ауқымды республикалық акциясы өткізілді. Акцияны ұйымдастырушылар ҚР Сыбайлас жемқорлыққа қарсы іс-қимыл агенттігінің облыс бойынша департаменті, Zakon.kz желілік басылымы, «Параграф» ақпараттық жүйесі, мемлекеттік билік органдары, облыстың үздік заңгерлері мен адвокаттары. 379 заңгер, адвокат 1000-ға жуық азаматқа кеңес берді.
Ағымдағы жылдың наурыз айында квазимемлекеттік сектор субъектілерінің сыбайлас жемқорлыққа қарсы комплаенс-офицерлері үшін ұжымда сыбайлас жемқорлыққа қарсы мәдениетті қалыптастыру тақырыбында семинар ұйымдастырылып, сертификаттар табысталды.
Білім беру ұйымдарына жұмысқа орналасу кезінде сыбайлас жемқорлық фактілеріне жол бермеу бойынша тұрақты түсіндіру жұмыстары жүргізілуде.
Оқушылар мен қызметкерлер арасында адалдық, этика және жауапкершілік құндылықтарын насихаттауға бағытталған әр түрлі оқу орындарында бір уақытта бірыңғай сағат өткізілді.
Мұндай іс-шаралар сыбайлас жемқорлыққа қарсы мәдениетті қалыптастыруға және білім беру процесіне қолайлы жағдай жасауға ықпал етеді.
Одан арғы жұмыс 2023-2025 жылдарға арналған Алматы облысы бойынша түрлі нысаналы топтар деңгейінде декомпозициямен ақпараттық жұмыс жүргізу жөніндегі іс-шаралар жоспарына сәйкес іске асырылатын болады.
Бұл бағыттағы жұмыс жалғасуда.
Алматы облысы әкімі аппаратының құқық қорғау органдарымен жұмыс бөлімі