Салауатты өмір салтын насихаттау бойынша мемлекеттік тапсырысты іске асыру аясында 2025 жылы келесі іс-шараларды өткізу жоспарланды.
"Жұқпалы аурулардың алдын алу", "Жұқпалы емес аурулардың алдын алу", "Мінез-құлықтық қауіп факторларының алдын алу", "Дене белсенділігі мен дұрыс тамақтануды насихаттау", "Репродуктивті денсаулықты қорғау", "Жарақаттанудың алдын алу", "Психикалық денсаулық" тақырыптары бойынша халықтың денсаулығын нығайту және сақтау жөніндегі 270 іс-шараларды ұйымдастыру және өткізу. 204 912 дана ақпараттық-білім беру материалдарын шығару. Вакцинация бойынша 10 баннер жасау және орнату.
Веб-сайтта, әлеуметтік желілерде өткізілген шаралар туралы ақпаратты орналастыру.
Сонымен қатар, бүгінгі күні Еңбекшіқазақ, Жамбыл, Іле, Қарасай, Талғар, Ұйғыр аудандарында жұқпалы және жұқпалы емес аурулардың алдын алу, мінез-құлықтық қауіп факторларының алдын алу тақырыптары бойынша түрлі ақпараттандыру жұмыстары өткізілді.
Қонаев қаласы, Жамбыл даңғылы 13 орналасқан LED монитор арқылы тұмаудың, қант диабетінің, алкогольді тұтынудың алдын алу бойынша бейне роликтер көрсетілуде.
Облыстағы аудан және қала деңгейінде салауатты өмір салтын қалыптастыру бойынша ұйымдастырылған іс-шаралардың мониторингіне сәйкес 1-ші жартыжылдықта 6 мыңнан астам іс-шаралар ұйымдастырылып, 370 мың облыс тұрғындары қамтылды.