Тауарлар мен көрсетілетін қызметтердің сапасы мен қауіпсіздігін бақылау органдарымен халықтың санитариялық – эпидемиологиялық саламаттылығы саласында елді мекендердің ауыз су жүйесіне, су айдындарына, атмосфералық ауаның және топырақтың жай – күйіне тұрақты негізде санитариялық – эпидемиологиялық мониторинг жүргізіледі.
Санитариялық – эпидемиологиялық мониторингке сәйкес Алматы облысының Тауарлар мен көрсетілетін қызметтердің сапасы мен қауіпсіздігін бақылау органдарымен 2020 жылдың 6 айында келесі жұмыстар атқарылды:
1) Ірі өнеркәсіптік кәсіпорындары бар, облыстық және Республикалық маңызы бар жол торабы өтетеін елді мекендерде санитариялық – химиялық көрсеткіштерге атмосфералық ауаның – 1536 сынамасы зерттеліп, оның ішінде рұқсат етілген шекті шоғырланудан 12 сынама немесе 0,8% асқан. Гигиеналық нормативтерден артуы Талдықорған қаласында бензин буымен, Іле ауданында көміртек тотығы (күйе) бойынша байқалады.
2) Ауыз су көзі ретінде пайдаланылатын жерүсті су объектілері болып саналатын 1 санаттағы су қоймаларынан микробиологиялық және санитариялық-химиялық көрсеткіштерге көрсеткіштерге 125 су сынамалардан алынып, оның оның ішінде микробиологиялық көрсеткіштер боййынша 1 сынама немесе 0,8% (ЛКП индексі) санитариялық талаптарға сәйкес келмеді.
3) Жаппай демалу үшін пайдаланылатын, сондай-ақ елді мекендер шегінде орналасқан жерүсті су объектілері болып саналатын 2 санаттағы су қоймаларынан микробиологиялық көрсеткіштерге 130 су сынамалары алынып, оның ішінде 4 сынамасы немесе 3,1% (ЛКП индексі нормадан жоғары) оң нәтиже көрсетсе, санитарлық-химиялық көрсеткіштерге алынған 130 су сынамаларының 5 сынама немесе 3,8% (жүзбелі қоспалар, өлшенген заттар, аммиак) санитариялық талаптарға сәйкес келмеді.
4) Топырақтан санитарлық – химиялық көрсеткіштерге 55 сынама, микробиологиялық көрсеткіштерге 60 сынама және паразитологиялық көрсеткіштерге 22 сынама алынып зерттелді, оң нәтижелі сынамалар анықталған жоқ.
5) Елді мекендердің орталықтандырылған ауыз су жүйелерінен санитариялық – химиялық көрсеткіштерге – 685 су сынамалары алынып, оның 19 сынамасы немесе 2,77% санитариялық талаптарға сәйкес келмеді (түстілігі, лайлылығы және кермектілігі), микробиологиялық көрсеткіштерге – 687 су сынамалары алының, оның 21 снамасы немесе ,06% санитариялық талаптарға сәйкес келмеді (жалпы микробтық саны, колиформ бактериялары, термотолерантты колиформдық бактериялар).
Санитариялық – эпидемиологиялық мониторинг жүргізу барысында анықталған кемшіліктер бойынша аудан, қала және ауыл әкімдеріне барлығы 5 ақпарат, санитариялық індетке қарсы және санитариялық – профилактикалық іс – шараларды жүргізу туралы 5 қаулылар берілді. Сонымен қатар, «Алматы облысы бойынша экология департаменті» РММ, Іле ауданының прокуратурасына хаттар жолданылды.