Психикалық денсаулық – адамның өмірдегі күйзеліске ұшыраған жағдайларды жеңуге, өз мүмкіндіктерін іске асыруға, оқуда және жұмыста табысқа жетуге, қоғамға үлес қосуға мүмкіндік беретін психикалық салауаттылық жағдайы. Бұл денсаулық пен әл-ауқаттың ажырамас құрамдас бөлігі, ол біздің жеке және ұжымдық шешімдер қабылдау, қарым-қатынастар құру және біз өмір сүріп жатқан әлемді қалыптастыру қабілеттерімізді негіздейді.
Психикалық денсаулықты жиі стигматизациялайды және дұрыс түсінбейді: шын мәнінде, бұл балалар мен жастарға өз болашағын құруға мүмкіндік беретін әл-ауқаттың жағымды жағдайы және сенімді іргетасы. Психикалық аурудың салдары туралы хабардарлықтың өсуіне қарамастан, стигма күшті тұрақсыздандыратын фактор болып қала береді. Стигам, әдейі немесе әдейі емес, балалар мен жастардың емделуіне кедергі жасайды және олардың өсу, оқу және табысты болу мүмкіндіктерін шектейді.
Психикалық денсаулық мәселелері туралы хабардар ету және психикалық денсаулықты нығайтуды қолдау бойынша күш-жігерді жұмылдыру мақсатында 1900-ден астам адамды қамтыған түрлі 34 іс-шара өткізілді. Психикалық денсаулық пен суицидтің алдын алу бойынша 25290 дана үнпарақ мен буклет шығарылды.