Дүниежүзілік денсаулық сақтау Ұйымының мәліметтері бойынша жол-көлік жарақаты 5 пен 29 жас аралығындағы балалар мен жастар арасындағы өлім-жітімнің басты себебі болып табылады. Әлемде жол-көлік оқиғаларының салдарынан жыл сайын 1,3 миллионға жуық адам қаза табады.
Баланы жолда жүріс-тұрысқа үйрету – ата-аналардың және балаларды тәрбиелеуге және оқытуға жауапты адамдардың тікелей міндеті. Оның өмірі мен денсаулығы баланың жол қозғалысы ережелерін қаншалықты меңгеруіне тікелей байланысты. Елде жолдарда өлім-жітім жоғары. Статистикалық мәліметтерге сәйкес Қазақстанда күн сайын жолдарда он адам қаза табады. Күн сайын апаттарда бір бала қайтыс болады, тағы он бала жарақат алады. Балалар қайтыс болған жағдайлардың 67%-ында олар жолаушы болған. Басқа жағдайларда - жаяу жүргіншілер. Жаяу жүргіншілер көбінесе жолды тиіссіз жерден кесіп өткенде, қызыл жанып тұрғанда жүгіріп өткенде немесе жақын келе жатқан көліктің алдындағы жолды кесіп өткенде қаза табады. Жол қозғалысы ережелерін білу және оларды өмірде қолдана білу бала мен ересек адамды жазатайым оқиғалардан қорғауға көмектеседі.
Жол қозғалысы ережелерін сақтау, жарақаттарының алдын алу туралы халықтың хабардарлығын арттыру мақсатында 34 іс-шара ұйымдастырылып, 1600-ден астам адам қамтылды. Жарақаттанудың алдын алу бойынша 25290 дана үнпарақ мен буклет шығарылды.