Облыс бойынша халықпен есептік кездесулер барысында жалпы сомасы 288,0 млрд. теңгеге 1033 проблемалық мәселе анықталды. Олардың ең көбі Еңбекшіқазақ ауданында – 255 немесе 24,6%, Қарасай ауданында -198 (19,1%), Кеген ауданында -193 (18,6%), Жамбыл ауданында – 99 (9,6%) және Талғар ауданында -89 (8,6%).
Оның ішінде ТКШ саласына 339 сұрақ немесе жалпы сұрақтар санының 32,8% келеді. Жол-көлік инфрақұрылымын жақсартуға 179 (17,3%), білім беру - 120 (11,6%), денсаулық сақтау - 114 (11%), ауыл шаруашылығы - 69 (6,6%), спорт және мәдениет - 71 (6,8%) және басқа салаларға - 141 (13,9%) сұрақ келеді.
Жоғарыда аталған мәселелерді шешу жөніндегі жұмыстарды жариялау үшін облыс әкімдігі келесі іс-шараларды өткізеді:
Мемлекеттік органдардың халық алдындағы ашықтығын іске асыру мақсатында аудандар мен ауылдық округтер әкімдерінің брифингтері өткізіледі.
Облыс әкімдігінің ресми сайтында және әлеуметтік желілерінде проблемалық мәселелерді шешу нәтижелеріне қатысты талдамалық анықтамалар мен түсіндірме, салыстырмалы инфографикалар жүйелі түрде жарияланатын болады.
Әрбір проблемалық мәселе және оны шешу барысы облыс басшылығының тұрақты бақылауында.