«Іле ауданы әкімдігінің халықты жұмыспен қамту орталығы» мемлекеттік мекемесінің ұйымдастыруымен ағымдағы жылдың 16 ақпан күні бос жұмыс орындары жәрменкесі өтті.
Іле ауданы бойынша 10 жұмыс беруші өкілдері, атап айтқанда «Райымбек Агро» ЖШС-гі, «Тангенс» ЖШС-гі, «Медиатекс-Н» ЖШС-гі, «Шин-лайн» ЖШС-гі, «Ли» ЖК, «Животноводческий комплекс» «Караой» ЖШС-гі, «Адили Текстиль» ЖШС-гі, «Green Service» ЖШС-гі, «ЛКП-Алри» ЖШС-гі, «АДМ ГАЗ» ЖШС-гі және жастар ресурстық орталығы қатысып, барлығы 462 бос жұмыс орындарын ұсынылды.
Бос жұмыс орындары жәрмеңкесіне жұмыссыз, пробация қызметінің тіркеуінде тұрған, бас бостандығы орындарынан босап келген азаматтар, мүмкіндігі шектеулі азаматтар және алимент борышкерлері қатысты.
Өткізілген жәрмеңкенің қорытындысы бойынша 56 адамға кеңес берілді. Оның ішінде 21 ізденуші тұрақты жұмысқа орналасуға жолдама берілді, 1 адам жастар практикасына, 15 адам қоғамдық жұмыстарға және 8 адам «Күміс жас» жобасы бойынша жұмыстарға жіберілді.