«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 27-бабы 2-тармағына, «Мемлекеттік атаулы әлеуметтік көмек туралы» 2001 жылғы 17 шілдедегі Қазақстан Республикасы Заңының 5-бабының 3-тармағына, Қазақстан Республикасы Еңбек және халықты әлеуметтік қорғау министрінің «Учаскелік комиссиялар туралы үлгілік ережені бекіту туралы» 2009 жылғы 28 қаңтардағы №29-ө бұйрығының 8-тармағына сәйкес Алматы облысының әкiмдiгi ҚАУЛЫ ЕТЕДI:
- Қоса беріліп отырған мемлекеттік атаулы әлеуметтiк көмекке өтініш білдірген адамдардың (отбасылардың) материалдық жағдайына тексеру жүргiзу жөнiндегi учаскелiк комиссиялар туралы Ережебекiтiлсiн.
- Алматы облысы әкімдігінің 2015 жылғы 16 ақпандағы № 81 «Атаулы әлеуметтiк көмекті алуға өтiнiш білдірген адамдардың (отбасылардың) материалдық жағдайына тексеру жүргiзу жөнiндегi учаскелiк комиссиялар туралы Ережені бекіту туралы» қаулысы(Нормативтік құқықтық актілерді мемлекеттік тіркеу тізілімінде № 3103 тіркелген, 2015 жылғы 27 наурызда "Әділет" ақпараттық құқықтық жүйесінде жарияланған) күші жойылды деп танылсын.
- «Алматы облысының жұмыспен қамтуды үйлестіру және әлеуметтік бағдарламалар басқармасы» мемлекеттік мекемесі Қазақстан Республикасының заңнамасында белгіленген тәртіппен:
1) осы қаулыны Алматы облысының Әділет департаментінде мемлекеттік тіркеуді;
2) осы қаулы ресми жарияланғаннан кейін оны Алматы облысы әкімдігінің интернет-ресурсында орналастыруды;
3) осы қаулы мемлекеттік тіркеуден өткеннен кейін он жұмыс күні ішінде Алматы облысы әкімі аппаратының мемлекеттік-құқық бөліміне осы тармақтың 1) және 2) тармақшаларында қарастырылған іс-шаралардың орындалуы туралы мәліметтерді ұсынуды қамтамасыз етсін.
- Осы қаулының орындалуын бақылау Алматы облысы әкімінің орынбасары Б. Байжұмановқа жүктелсін.
- Осы қаулы әділет органдарында мемлекеттік тіркелген күннен бастап күшіне енеді және алғашқы ресми жарияланған күнінен кейін күнтізбелік он күн өткен соң қолданысқа енгізіледі.