Меню
Қазіргі уақытта облыс аумағында 11 конфессияға тиесілі 429 діни бірлестік қызмет атқарады. Оның: 309 - ислам, 37 - православие, 10 - католик, 63 - протестант, 9 - Ехоба куәгерлері, 1 - Кришна санасы қоғамы діни бірлестіктері.
Аталған діни бірлестіктерге қарасты облыс аумағында 427 діни ғимарат тіркелген. Оның: 309 – ислам мешіттері, 35 - православие шіркеуі, 10 - католик шіркеуі, 63 - протестанттық шіркеуі, 9 - Иегова куәгерлерінің ғибадат үйі, 1 - «Кришна санасы қоғамы» ДБ ғибадатханасы.
Облыс аумағында миссионерлік қызметпен айналысатын 24 миссионер тіркелген. Оның: 22 - Рим-католик шіркеуі, 1 - протестанттық шіркеу, 1 - орыс православ шіркеуі.
Облыс аумағында ғибадат үйлерінен (ғимараттарынан) тыс жерлерде діни жораларды өткізу үшін арнайы рұқсаты бар 10 намазхана тіркелген.
Сондай-ақ, облыс аумағында діни әдебиеттерді таратуға арналған 12 арнайы тұрақты орын бекітілген.
Басқарма облыс аумағында қолданыстағы заңнаманың шеңберінде дін саласындағы мемлекеттік саясатты жүзеге асыратын жергілікті атқарушы орган болып табылады. Бұл ретте, мешіт салуға рұқсат беру қызметтері Басқарманың құзыретіне кірмейтініне назар аударамыз.
Мазмұндалғанның негізінде, өтініште көрсетілгендей мешіт құрылысы жұмыстарын жүргізуге рұқсат алу үшін облыстық Мемлекеттік сәулет-құрылыс бақылау басқармасына жүгінуді ұсынамыз.
Облыс аумағында жұмыс істейтін «Иегова куәгерлері» діни бірлестігінің филиалдары ҚР әділет органдарында ресми тіркелген. Бірлестіктің діни қызметіне қатысу ерікті негізде құрылады.
Сондай-ақ, «Қазақстан Республикасының діни қызмет және діни бірлестіктер туралы» Заңының 3-бабы 1-тармағына сәйкес мемлекет дін мен діни бірлестіктерден бөлінген. Осы қағидатқа сәйкес мемлекет діни бірлестіктердің ішкі қызметіне араласпайды. Алайда, сіздің сұрағыңыздың күрделілігін ескере отырып, басқарма тарапынан көрсетілген діни бірлестік қызметі бойынша мониторингтік жұмыстар жүргізіледі.
Сонымен қатар, егер діни бірлестіктің қызметі Сізге және сіздің отбасыңыздың мүшелеріне деструктивті әсер етудің дәлелденген фактілерінде көрінсе, Қазақстан Республикасының заңдарына қайшы келсе және діни бірлестік тарапынан материалдық құндылықтарды (ақшаны, мүлікті) тапсыруға мәжбүрлеу фактілері орын алған жағдайда құқық қорғау органдарына, сондай-ақ заңнамада белгіленген тәртіппен конституциялық құқықтардың бұзылғаны немесе заңмен қорғалатын мүдделерді қорғау үшін сотқа жүгінуге құқылы екеніңізді хабарлаймыз.