Мобильді байланыс

Облыс халқынан байланыс сапасына қатысты келіп түсетін шағымдар негізінде облыстық цифрлық технологиялар басқармасы жүргізген тексерулер нәтижесінде облыс елді мекендерінің тұрғындары мобильді байланыс сигналын күшейту үшін мобильді байланыс операторларына бөлінген жиіліктерге кедергі келтіретін ретрансляторларды қолданатыны анықталды.

GSM сигналының ретрансляторы немесе репитер - бұл дыбыстың анықтығы мен қабылдау сапасын жақсартатын ұялы телефонға, компьютерге келетін сигналды күшейтуге арналған электронды жабдық.

Бұл жабдықты жеке тұлғалар өздігінен орнатып жүр, алайда ретранслятордың конфигурациясы, орнатылуы, баптауы арнайы білім мен біліктілікті қажет етеді. Ретранслятордың дұрыс жұмыс істемеуі мобильді байланыс базалық станцияларының радиожиілік жағдайына әсер етіп, оператордың жиіліктерінде кедергі туғыза отырып басқа пайдаланушылар үшін байланыс сигналын бұғаттап қана қоймай, жедел ден қою қызметтерін (101, 102, 103, 104) шақыруда қиындықтар туғызады.

Қазіргі уақытта мобильді байланыс репитерлері сапалы байланыс ұсынудағы негізгі кедергілердің бірі болып табылады.

Осыған байланысты облыс тұрғындарынан мобильді байланыстың базалық станциялары жұмысына кедергі келтіретін, сол арқылы сигналдың сапасын төмендететін сертификатталмаған мобильді байланыс ретрансляторларын пайдаланбауды сұраймыз.