Алматы облысы Жамбыл ауданының аумақтық сайлау комиссиясының
ХАБАРЛАМАСЫ
Алматы облысы Жамбыл ауданының аумақтық сайлау комиссиясы 2024 жылғы 8 желтоқсанда Жамбыл аудандық мәслихаттың шығып қалған депутатының орнына сайлау өтетінін хабарлайды. Сайлау бірмандаттық № 16 сайлау округі бойынша өтеді.
Шығып қалған депутаттардың орнына мәслихаттар депутаттарын сайлау «Қазақстан Республикасындағы сайлау туралы» Қазақстан Республикасы Конституциялық заңының 101-бабының 3-1-тармағында көзделген.
Сайлау іс-шараларын өткізу мерзімдерін ауданның аумақтық сайлау комиссиясы айқындайды.
Алдағы уақытта болатын сайлау туралы толығырақ ақпаратты аудандық аумақтық сайлау комиссиясының интернет-парақшасынан алуға болады.