Қазақстан Республикасының 2002 жылғы 10 шілдедегі «Ветеринария туралы» Заңының (ары қарай - Заң) 11 бабына сәйкес, облыстық ветеринария басқармасының ведомстволық бағынысты 20 ветеринариялық пункттері бар аудандық (қалалық) ветеринариялық станция кәсіпорындары жұмыс атқаруда. Ветеринариялық станцияларда барлығы 2 063 маман жұмыс атқарады, оның ішінде 1 381 ветеринар мамандары.
Жоғарыда аталған Заңын 35 бабының 1 тармағы, 3), 3-1) тармақшаларына сәйкес, жергілікті атқарушы органдар құратын мемлекеттік ветеринариялық ұйымдарды ұстауға арналған шығыстар бюджет қаражаты есебiнен қаржыландырылады және Қазақстан Республикасы Ауыл шаруашылығы министрінің 2014 жылғы 30 қазандағы «Ветеринария саласындағы нормативтік құқықтық актілерді бекіту туралы» №7-1/559 бұйрығының 3 тармағына сәйкес, жануарлардың аса қауіпті ауруларына қарсы ветеринариялық іс-шаралар Профилактикасы, диагностикасы мен жойылуы бюджет қаражаты есебінен жүзеге асырылады деп көрсетілген. Осы мақсатқа бюджет қаражаты есебiнен 2020 жылы эпизоотияға қарсы іс-шаралар жоспарын орындауға 3 601,08 млн. теңге бөлінді.
Сонымен қатар, аудандық (қалалық) ветеринариялық станциялары ауыл шаруашылығы жануарларын бірдейлендіру және ветеринариялық анықтама беру мемлекеттік қызметтерін тегін жүзеге асырады.