2020 жылы көрсетілген мемлекеттік қызметтер бойынша ақпарат
Алматы облысының ветеринария басқармасы (бұдан әрі - Басқарма) және оған бағынысты ветеринариялық пункттері бар аудандық, қалалық ветеринариялық станциялар (бұдан әрі - Бағыныстағы ұйым) тарапынан 3 мемлекеттік қызмет түрлері көрсетіледі, атап айтқанда:
- Жануарлардан алынатын өнімдер мен шикізатқа ветеринариялық-санитариялық сараптама жүргізу жөніндегі қызметпен айналысуға лицензия беру;
- Ветеринариялық анықтама беру;
- Ветеринариялық паспорт беру.
2020 жылы көрсетілген мемлекеттік қызметтердің саны – барлығы: 666 499
оның ішінде:
- 2020 жылдың 19 ақпанына дейін «Жануарларды өсіруді, жануарларды союға дайындауды (союды), сақтауды, өңдеуді және сатуды жүзеге асыратын өндіріс объектілеріне, сондай-ақ ветеринариялық препараттарды, жем мен жемазық қоспаларын өндіру, сақтау және сату бойынша өндіріс объектілеріне тіркеу нөмірлерін беру» бойынша 39 мемлекеттік қызмет көрсетілді. Ескертпе: 2020 жылғы 19 ақпаннан бастап аталған мемлекеттік қызмет ветеринария саласындағы уәкілетті органға (ҚР Ауыл шаруашылығы министрлігі Ветеринариялық бақылау және қадағалау комитетінің аумақтық инспекциялары) берілді.
- Басқарма тарапынан ҚР электрондық лицензиялау (http://elicense.kz) арқылы жануарлардан алынатын өнімдер мен шикізатқа ветеринариялық-санитариялық сараптама жүргізу жөніндегі қызметпен айналысуға 2 лицензия берілді.
- Басқарманың бағыныстағы ұйымдары тарапынан 93 149 ветеринариялық анықтамалар және 573 309 ветеринариялық паспорттар беру бойынша мемлекеттік қызметтер көрсетілді.