АҚПАРАТТЫҚ ХАБАРЛАМА
БЖЗҚ сайтындағы
"Заңды тұлға кабинеті"сервисінде жаңа қызметтер іске қосылды
БЖЗҚ сайтының "Жеке кабинет" - https://jurcabinet.enpf.kz/auth "Заңды тұлға кабинеті" бөліміне зейнетақы қызметтерін көрсетуді жақсарту мақсатында жаңа қызметтер енгізілді.
Естеріңізге сала кетейік, сервисті пайдаланушылардың мақсатты аудиториясы-салық агенттері болып табылатын, міндеттеріне қызметкерлердің зейнетақы жарналарын аудару кіретін жұмыс берушілер. Сервис жұмыс берушілерге БЖЗҚ-ға жарналардың барлық түрлерін: міндетті зейнетақы жарналарын, міндетті кәсіптік зейнетақы жарналарын және ерікті зейнетақы жарналарын төлеу бойынша төлем тапсырмаларын қалыптастыруға, өңдеуге және басып шығаруға мүмкіндік береді.
"Заңды тұлға кабинеті" сервисінде БЖЗҚ-ға өңдеу (қызметкерлерді жою және қосу) мүмкіндігі бар төлемдерді жіберу қажет қызметкерлердің тізімін көруге болады. Бұдан басқа, сервисте төлемдер тарихында бұрын қалыптастырылған төлем тапсырмалары бойынша барлық деректерді қарауға болады.
Жаңа қызметтер енгізе отырып, сервис жұмыс берушілерге мынадай міндеттерді шешуге мүмкіндік береді.
Енді сіз өз парақшаңызды компанияңыздың бейіні бойынша ақпаратпен толықтыра аласыз, мысалы, ұйымның мекенжайын, байланыс деректерін (телефон нөмірін) және электрондық пошта мекенжайын қоса аласыз, Е-отініш порталына өтініш бере аласыз және кері байланыс ала аласыз, сондай-ақ кез келген кезеңде жасалған іс-әрекеттер және енгізілген өзгерістер туралы есепті көре аласыз.
Сондай-ақ, сервисті пайдаланушыларда "Заңды тұлға кабинеті" бетінен тікелей сілтеме бойынша ақпараттық-анықтамалық базаларға (реттеуші нормативтік-құқықтық актілерге, жадынамалар мен нұсқаулықтарға, өтініш бланкілеріне сілтемелер) өту мүмкіндігі пайда болды, яғни қажетті ақпаратты іздеу үшін кабинеттен кетудің қажеті жоқ.
Ең маңызды қосымша! Енді Заңды тұлға кабинетін ЭЦҚ болған жағдайда жеке кәсіпкер мәртебесі бар жеке тұлғалар да пайдалана алады. Бұрын қол қою құқығы бар бірінші басшыға ғана немесе заңды тұлғалар үшін Қазақстан Республикасының Ұлттық куәландырушы орталығы берген электрондық цифрлық қолтаңбасы болған жағдайда қаржылық құжаттарға қол қою құқығы берілген адамға ғана заңды тұлғаның кабинетіне қолжетімділік берілген болатын.
БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Қазақстан Республикасының Президенті басшылық ететін Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).