ХАБАРЛАНДЫРУ
Қазақстан Республикасы Төтенше жағдайлар Министрлігі өнеркәсіптік қауіпсіздік комитетінің Алматы облысы бойынша департаменті хабарлайды.
Қазақстан Республикасы Ішкі істер министрінің «Газбен жабдықтау жүйелері объектілерінің қауіпсіздігі жөніндегі талаптарды бекіту туралы» 2017 жылғы 9 қазандағы №673 бұйрығының 5-бөлімінің 129-тармағына сәйкес тұрақты автомобильге газ құю станциясында автокөлікте пайдалануға арналмаған баллондарды толтыруға жол берілмейді.
Бұл ретте, Қазақстан Республикасының «Газ және газбен жабдықтау туралы» 2012 жылғы 9 қаңтардағы № 532-IV Заңының (бұдан әрі - Заң) 28-бабының 5-тармағына сәйкес тұрмыстық баллондарда сұйытылған мұнай газын бөлшек саудада өткізуді газ желісі ұйымдары және газ толтыру пункттерінің иелері жүзеге асырады, олар тұрмыстық баллондардың жарамды техникалық жай-күйін қамтамасыз етуге міндетті.
Тұрмыстық баллондарды сұйытылған мұнай газымен толтыруға тек қана газ толтыру станциялары мен газ толтыру пункттерінде жол беріледі.
Сонымен қатар, Заңның 7-бабы 5-тармағының 6-1 тармақшасына сәйкес облыстардың, республикалық маңызы бар қалалардың, аудандардың және астананың (облыстық маңызы бар қалалардың) жергілікті атқарушы органдары елді мекеннің шекаралары шегінде тұрмыстық және коммуналдық-тұрмыстық тұтынушыларды газбен жабдықтау жүйелерінің тұрмыстық баллондары мен объектілерін қауіпсіз пайдалану талаптарының сақталуына мемлекеттік бақылауды жүзеге асырады.
Жоғарыда баяндалғанның негізінде, сондай-ақ 2022 жылға арналған «Алматы облысының қауіпті өндірістік объектілерінде өнеркәсіптік қауіпсіздікті қамтамасыз ету жөніндегі іс-шаралар жоспарының» 13,14 және 15 тармағын басшылыққа ала отырып, Сіздерден АГҚС сұйытылған мұнай газымен тұрмыстық газ баллондарын толтырмауды сұраймыз.