Құрметті аудан тұрғындары!
Баршаңызды тарихи мәні зор, мерейлі мереке 30 тамыз - Қазақстан Республикасының Конституциясы күнімен шын жүректен құттықтаймын!
Ата заңымыз - еліміздің барлық жетістіктерінің бастауы, тұғырлы тәуелсіздігіміздің, еңселі егемендігіміздің тірегі.
Елбасы Н.Ә.Назарбаев атап өткендей, «Конституция біздің бостандығымыздың негізі болды. Ол біздің жеңістеріміздің, табыстарымыздың тәуелсіздік арқылы келген барлық кешенін нығайтады».
Еліміздегі ең маңызды құжат құқығымызды қорғап, тең өмір сүруімізді қамтамасыз етіп, құндылықтарымызды айқындайды.
Осыдан 26 жыл бұрын қабылданған Конституциямыздың арқасында елімізде тұрақтылық, бейбітшілік пен келісім қалыптасты.
Отанымыздың табысты және серпінді дамуына біздің ауданның еңбеккерлері өз үлестерін қосуда. Өңіріміз күннен-күнге дамып, заманға лайықты келбетіне бәріміз куәміз. Әлі де алда атқарылатын жұмыстар қыруар.
Қадірлі жерлестер!
Рухымыз асқақ, болашаққа деген сеніміміз айқын, жігеріміз қайратты, әрбір бастамаларымыз ел игілігі үшін жасалсын. Бірлігіміз бен татулығымыз мәңгі болсын. Сіздерге зор денсаулық, отбасыларыңызға амандық, ел болашағы мен халық игілігі жолындағы мақсатты істеріңізге сәттілік тілеймін!
Мереке құтты болсын!