Тіл тағдыры – ел тағдыры

         Бүгін Тіл сарайында Алматы облысының тілдерді дамыту жөніндегі басқармасының ұйымдастыруымен 30 тамыз – Қазақстан Республикасының Конституциясы күніне орай дөңгелек үстел өтті.

         Дөңгелек үстелді Алматы облысының тілдерді дамыту жөніндегі басқарма басшысының м.у.а Е. Ақшабаев жүргізді.

          «Ата Заңымызда Қазақстан Республикасының мемлекеттiк тiлi  –  қазақ тiлi деп жазылған. Ата Заң –  тіліміздің де өркендеуіне кепілдік беретін ұлы құжат. Ата заңымыз барда  елдігіміз еңселі,  тіліміз тұғырлы, болашағымыз жарқын»  – деді Е.Ақшабаев өз сөзінде.

          Ономастикалық жұмыс және талдау бөлімінің бас маманы Г. Әбіләжімова «Тіл тағдыры – ел тағдыры» тақырыбында баяндама жасады.

          Ол өз баяндамасында: «Қазақстан Республикасы егемен ел болып, өзінің Ата Заңы Конституциясын қабылдағанына биыл 25 жыл уақыт болды. Конституция күні – Тәуелсіз Қазақстанның құқықтық өмірінде мәні мен маңыздылығы жағынан ерекше орынға ие, халқымыздың ең жоғарғы дәрежеде атап өтетін басты мерекелерінің бірі – деп, Ата заңымыздың құндылығы мен қазақ елінің өткен  тарихы мен жеткен жетістіктеріне   тоқталды.

       Арақашықтықты сақтай отырып, карантин талаптарына сай ұйымдастырылған  дөңгелек үстелге басқарма қызметшілері  мен «Тіл» оқу-әдістемелік орталығының қызметкерлері қатысты.