2018 жылы департамент пен Ілияс Жансүгіров атындағы Жетісу мемлекеттік университеті арасында меморандумға қол қойылып, Жетісу мемлекеттік қызмет мектебі ашылды. Аталған мектептің мақсаты: жастар арасында мемлекеттік қызметтің оң имиджін қалыптастыру, болашақ мемлекеттік қызметшілердің тұлғасын жасақтау, құқықтық мемлекетті одан әрі дамыту ісінде білікті мамандарды тарту болып табылады. Қаламыздағы кез-келген студенттің мектепке өтініш білдіріп, тәжірибелік дәрістерді тыңдауға мүмкіндігі бар. Мектеп қатысушысы дипломын алғаннан соң заңнамаларды білуге және жеке құзыреттерін бағалауға арналған тестілеуден өтеді. Тестілеуден оң нәтежие алған жағдайда агенттіктің ресми интернет ресурсынан бос лауазымдарды іздейді. Хабарландыруда көрсетілген қажетті құжаттарды мемлекеттік органға өткізеді. Құжаттар толық және кандидат белгілеген талаптарға сәйкес келген жағдайда мемлекеттік органда құрылған конкурстық комиссиядан әңгімелесуден өтеді. Әңгімелесу нәтежиесін кадр қызметкеріне міндетті түрде хабарлайды.