Бүгін Серікжан Ерекешев аудан бойынша құрылысы жүріп жатқан тұрғын үйлердің жағдайымен танысты

Алдымен аудан басшысы Панфилов ауылдық округінде орналасқан “Көк Алатау” тұрғын үй кешені салынатын аймаққа барып, жобамен танысып, мәселелерді талқылады. Қазіргі таңда бұл кешеннің тек жылыту қазандығы салынып біткен.

Екінші кезекте аудан әкімі Бесағаштағы “Аспан сити” кешеніне барып, құрылыс барысын бақылады.

Одан кейін Серікжан Қазиұлы “Нұрия” мен “Алматау” кешендерінің жағдайымен танысып, мәселелерін саралап, тиісті тапсырмалар берді.

Бұл құрылыстардың бәрі жеке компаниялардың қаражаттарына салынуда, бірақ бүкіл инженерлік жүйелер мемлекет есебінен тартылуда. Сондықтанда аудан тұрғындары бұл кешендерден пәтерді “7-20-25” бағдарламасы арқылы ала алады.