Құрметті Талғар ауданының тұрғындары!

«Казгидромет» болжамы бойынша Ауа-райының нашарлауы күтілуде (қатты қар, көктайғақ, кей уақытта ауа температурасы -30°-қа дейін төмендейді).

Осыған орай аудан әкімдігі қар тазалау жұмыстарын бастап, барлық коммуналдық қызметтер күшейтілген жұмыс режиміне көшті.

Жеке тұрғын үйлердегі төтенше жағдайлардың алдын алу үшін тұрғындарға жұмыс істеп тұрған энергия желілерінің, құрылғылары мен жабдықтарының техникалық жай-күйі мен қауіпсіздігін алдын ала тексеру қажеттігін ескертеміз.

Коммуналдық қызметтерге қарды тазалау және шығару кезінде жұмыс тиімділігі үшін көліктеріңізді жол бойында қалдырмауды сұраймыз.

Сақтық шараларын ұстанып, ұзақ сапарға шықпауларыңызды сұраймыз.