Төңкеріс және жақын орналасқан саяжай тұрғындарының жол мәселесі талқыланды

Бүгін аудан әкімі Еңбекшіқазақ ауданына қарасты Төңкеріс, Теңқара, Жетісу және Бағбан саяжай тұрғындарының жеке өтініші бойынша кездесу өткізді. Тұрғындар Талғар ауданымен шекаралас болғандықтан, Төңкеріс ауылы арқылы өтетін жол мәселесін шешуді сұрады. Жиынға аудандық бөлім басшылары мен округ әкімі қатысты. Аудан әкімі тұрғындардың өтініштерін тыңдап, тиісті бөлім басшылары мен ауыл әкіміне нақты тапсырмалар беріп, олардың орындалуын қатаң бақылауға алуды тапсырды.